Даходы ад продажу чэкаў «Жыллё» дэкларуюцца абавязкова

Источник материала:

Як паведамiла карэспандэнту «Звязды» начальнiк аддзела вылiчэння маёмасных падаткаў, дэкларавання даходаў i маёмасцi Мiнiстэрства па падатках i зборах Рэспублiкi Беларусь Марына Грыгарчук, у грамадзян сёння iснуюць пытаннi аб даходах, якiя былi атрыманы iмi летась ад продажу чэкаў «Жыллё» i «Маёмасць». У мiнулым годзе прадаўцы такiх чэкаў павiнны былi на працягу 30 дзён з моманту атрымання даходу абавязкова падаць у падатковую iнспекцыю дэкларацыю аб даходах i заплацiць падаткi. Тыя, хто гэта своечасова не зрабiў, парушылi падатковае заканадаўства. Каб не атрымаць буйныя падатковыя санкцыi i, адпаведна, пенi на недаплачаныя падаткi, спадарыня Грыгарчук раiць такiм прадаўцам зрабiць гэта ў час дэкларацыйнай кампанii i лепш ажыццявiць такую аперацыю не пазней за 1 сакавiка.

Таксама нагадаем, што зараз падатковыя iнспекцыi працуюць па «гарачаму» рэжыму: у працоўныя днi з 9.00 да 20.00, а ў суботу i нядзелю — да 15.00. Марына Грыгарчук заўважыла, што ў сувязi з павелiчэннем з пачатку сакавiка памеру базавай велiчынi да 31 тысячы рублёў адпаведна зменяцца i стаўкi падаходнага падатку. Аднак па гэтых стаўках грамадзяне пачнуць плацiць падаткi па даходах, атрыманых пасля 1 сакавiка.