Сучаснае становiшча ў свеце абумоўлiвае неабходнасць правядзення ваенных вучэнняў

Источник материала:

Аляксандр Лукашэнка азнаёмiўся з тым, як адпрацаваны сумесныя дзеяннi падраздзяленняў беларускай i расiйскай частак рэгiянальнай групоўкi войскаў у абарончай аперацыi. У ходзе вучэння ўпершыню на практыцы было праверана функцыянаванне асобных элементаў сiстэмы кiравання рэгiянальнай групоўкай войскаў Беларусi i Расii, дадзена ацэнка яе эфектыўнасцi i жыццяздольнасцi.

На час вучэння з запасу часова прызваны 2 тыс. 400 ваеннаабавязаных. Падраздзяленнi тэрытарыяльных войскаў разгорнуты ў Воранаўскiм раёне Гродзенскай вобласцi i Бярозаўскiм раёне Брэсцкай вобласцi.

Пасля наведвання актыўнай фазы вучэння Аляксандр Лукашэнка адказаў на пытаннi айчынных i замежных журналiстаў. Кiраўнiк дзяржавы пазiтыўна ацанiў ход беларуска-расiйскага вучэння. «Як мне далажылi начальнiкi з беларускага i расiйскага бакоў, ваенныя дзейнiчаюць вельмi прафесiянальна, мiж iмi ёсць поўнае ўзаемаразуменне», — паведамiў прэзiдэнт. На яго думку, у гэтым — галоўны палiтычны вынiк праведзенага мерапрыемства.

«Мы праводзiлi вучэннi i ў рамках АДКБ, але фактычна ўдзельнiчала групоўка беларускiх i расiйскiх войскаў на заходнiм напрамку. У рамках АДКБ гэта наша зона адказнасцi. Нам няма неабходнасцi куды-небудзь пасылаць хлопцаў ваяваць, аб чым наша апазiцыя часта гаворыць. Мы павiнны забяспечыць бяспеку заходняга напрамку АДКБ, i натуральна, тут — адзiная групоўка войскаў Беларусi i Расii», — падкрэслiў прэзiдэнт.

Адказваючы на пытаннi, кiраўнiк дзяржавы выказаў перакананасць, што няма неабходнасцi ўводзiць на тэрыторыю Беларусi расiйскую тактычную ядзерную зброю ў выпадку ўзнiкнення рэальнай пагрозы бяспецы Саюзнай дзяржавы. Аляксандр Лукашэнка адзначыў: «Мне здаецца, размяшчаць тактычную ядзерную зброю ў паласе першага ўдару няма неабходнасцi. Гэтай зброi дастаткова i ў Расii. Таму я думаю, што не будзе такога становiшча i сiтуацыi, каб сюды дастаўляць расiйскую тактычную ядзерную зброю».

Кiраўнiк дзяржавы падкрэслiў, што адзiная сiстэма ППА Беларусi i Расii — гэта «ўзмацненне нашай незалежнасцi i суверэнiтэту». «Пры ўзнiкненнi ваеннай небяспекi плячо нам падставiць Расiя. Нам гэта выгадна», — адзначыў кiраўнiк дзяржавы. Пры гэтым Аляксандр Лукашэнка высока ацанiў каласальную падтрымку расiйскага боку. Адказваючы на пытаннi, кiраўнiк дзяржавы заявiў, што цяперашняе становiшча ў свеце абумоўлiвае неабходнасць правядзення ваенных вучэнняў.

«Незалежнасць сваёй зямлi, дзяржавы, бяспека людзей — гэта самыя галоўныя каштоўнасцi, даражэй нiчога няма», — падкрэслiў прэзiдэнт.

«Паглядзiце, што адбываецца ў свеце, — сказаў Аляксандр Лукашэнка. — Каля заходнiх гранiц нашай дзяржавы, як грыбы пасля дажджу, з’яўляюцца ваенныя базы — вы ведаеце, чые. Мы вымушаны адказваць i дэманстраваць, што нашы ваенныя недарма ядуць хлеб. I мы гатовыя абаранiць мiрную працу беларусаў. Тыя, хто не кормiць сваiх салдат, будзе кармiць чужых...»

Прэс-служба Прэзiдэнта Рэспублiкi Беларусь.