Гарадскiм камарам не даспадобы пах чорнай бузiны

Источник материала:

— Гэтыя камары адносяцца да так званага роду кулекс. Яшчэ iх называюць гарадскiмi камарамi, бо месцам свайго жыхарства яны выбiраюць вялiкiя гарады. Кулексы вельмi надакучлiвыя насякомыя, рудога адцення. I хоць яны не малярыйныя, усё ж з’яўляюцца пераносчыкамi шэрагу iншых iнфекцыйных паразiтарных захворванняў — такiх, як сiбiрская язва, бруцылёз, фiлярытоз, лiхаманка КУ.

Крывасмокi могуць пладзiцца ў процiпажарных бочках, дробных лужынах, канавах, ямах. А з надыходам халадоў большасць з iх гiне, але частка прабiраецца ў памяшканнi, дзе цёпла i вiльготна.

З падвалаў па вентыляцыйных шахтах камары трапляюць у кватэры. Яны дабiраюцца нават да восьмага-дзевятага паверхаў.

Летам насякомыя могуць разлятацца i ў iншыя дамы, знаходзячы сабе новыя месцы выпладу — не толькi падвалы, але i вадаёмы на адлегласцi ад 1,5 да 2 кiламетраў. I там зноў адбываецца развiццё кулексаў.

Дамы, дзе выяўлены выплад, стаяць на ўлiку на працягу аднаго года. I здымаюцца з яго толькi тады, калi там праведзена дэзiнфекцыя, няма вады i камароў. Можа быць праведзена i паўторная апрацоўка.

У рэспублiцы ёсць пабудовы, у тым лiку i ў Мiнску, у якiх на працягу некалькiх гадоў пладзяцца крывасмокi. Але, канешне, выяўленне выпладу залежыць не толькi ад работы энтамолагаў. Вельмi важна, дзе i як пабудаваны дом. Спецыялiсты эпiдэмiялагiчнай службы ўдзельнiчаюць у санiтарным наглядзе пры будаўнiцтве жылля. Перад узвядзеннем дома i выбарам зямельнага ўчастка абавязкова кантралюецца, наколькi глыбока залягаюць грунтавыя воды. Найбольш спрыяльнай для забудовы лiчыцца тэрыторыя, дзе грунтавыя воды залягаюць на тры i больш метраў ад паверхнi.

— Што могуць процiпаставiць самi гараджане «атакам» кулексаў?

— Варта закрыць сеткай форткi, нацягнуць дробнаячэiстую сетку на вентыляцыйныя шахты, асаблiва калi адбываецца выплад. Летам трэба прымяняць розныя рэпiленты, адпужвальныя рэчывы, электрафумiгатары з пласцiнкамi фумiтокс.

Падвалы павiнны быць асветленыя, у iх не павiнна знаходзiцца смецце, нечыстоты. Варта адпампаваць ваду з падвала, высушыць памяшканне, правесцi дэзiнфекцыю. Падвал заўсёды трэба трымаць зачыненым.

Акрамя таго ўваходныя дзверы павiнны шчыльна прылягаць да касякоў, вентыляцыйныя адсекi неабходна абаранiць здымнымi рашоткамi, а вокны зашклiць. I яшчэ варта лiквiдаваць блiжэйшыя дажджавыя лужыны, ямы з вадой. Бо там, дзе вада, там i камары.

А вось якiя раслiнныя сродкi супраць крывасмокаў прапануе народная медыцына:

 Каранi пырнiку тройчы ўскiпяцiць у 1,5 л вады. Гэтым адварам працiраць скуру.

 На падваконнi можна раскласцi вату, намочаную ў масле гваздзiка, эўкалiпта, анiсу. Калi няма алергii, масла можна нанесцi на скуру.

 Вазоны з клешчавiнай варта паставiць у кожным пакоi.

 Некалькi разоў на месяц працiрайце вокны i дзверы лаўровым маслам.

 Зусiм не даспадобы камарам пах чорнай бузiны i зялёнага таматнага бацвiння.