Аляксандр ЛУКАШЭНКА: Дзяржава мае намер падтрымлiваць установы культурыДзяржава мае намер падтрымлiваць установы культуры. На гэтым акцэнтаваў увагу прэзiдэнт Беларусi Аляксандр Лукашэнка ў час наведвання новага корпуса Нацыянальнага мастацкага музея. Кiраўнiк дзяржавы падкрэслiў: «Нягледзячы на тое, што будаваць было не так проста, дзяржава пайшла на стварэнне новых аб’ектаў i рэканструкцыю важных культурна-гiстарычных аб’ектаў». У якасцi прыкладу Прэзiдэнт прывёў рэканструкцыю палаца Румянцавых-Паскевiчаў у Гомелi. Вялiкую ўвагу кiраўнiцтва краiны да развiцця культуры адзначылi i дырэктары музеяў суседнiх краiн. У прыватнасцi, яны выказалi захапленне Нацыянальнай бiблiятэкай Беларусi. Аляксандр Лукашэнка ў сваю чаргу адзначыў: «Калi хочаце, гэта наш адказ сучаснасцi. Сёння кнiга страчвае сваю ролю, таму мы хацелi ўвекавечыць яе. Нацыянальная бiблiятэка з’яўляецца своеасаблiвым помнiкам кнiзе». Прэзiдэнт Беларусi Аляксандр Лукашэнка пазiтыўна ацанiў дзейнасць па рэканструкцыi i пашырэнню выставачных плошчаў Нацыянальнага мастацкага музея. Дырэктар Нацыянальнага мастацкага музея Уладзiмiр Пракапцоў у час экскурсii па музейных галерэях расказаў пра перспектывы развiцця гэтай установы. Аляксандр Лукашэнка азнаёмiўся з экспазiцыямi рускага мастацтва XVIII — пачатку XX стагоддзяў, старажытнабеларускага мастацтва, заходнееўрапейскага i мастацтва краiн Усходу, беларускага мастацтва ХХ — пачатку ХХI стагоддзяў, а таксама з выстаўкай твораў рускiх мастакоў ХIХ — пачатку ХХ стагоддзяў, якiя працавалi ў Беларусi. Прэзiдэнт Беларусi запатрабаваў максiмальна засяродзiць намаганнi на завяршэннi рэканструкцыi Нацыянальнага мастацкага музея, а таксама будынка тэатра оперы i балета. Аляксандр Лукашэнка ў час наведвання Нацыянальнага мастацкага музея азнаёмiўся з выстаўкай народнага мастака Расii члена-карэспандэнта Расiйскай акадэмii мастацтваў Васiля Несцярэнкi. Васiль Несцярэнка з’яўляецца паслядоўнiкам класiчнай рэалiстычнай школы жывапiсу. У 1999—2000 гадах ён працаваў над роспiсам Храма Хрыста Збавiцеля ў Маскве. Яго персанальныя выстаўкi праходзiлi ў буйнейшых залах Расii i замежных дзяржаў. Кiраўнiк дзяржавы паразмаўляў з мастаком. Васiль Несцярэнка адзначыў, што для яго вялiкi гонар выстаўляцца тут, паколькi гэта адзiн з лепшых музеяў Еўропы. Паводле паведамленняў прэс-службы Прэзідэнта Рэспублікі Беларусь і БЕЛТА. Чтобы разместить новость на сайте или в блоге скопируйте код:
На вашем ресурсе это будет выглядеть так
Дзяржава мае намер падтрымлiваць установы культуры. На гэтым акцэнтаваў увагу прэзiдэнт Беларусi Аляксандр Лукашэнка ў час наведвання новага корпуса Н
|
|