Падчас ветру не стойце пад дрэвамi

Источник материала:

Паводле iнфармацыi Мiнскага абласнога ўпраўлення МНС, у больш чым 400 населеных пунктах за гэты час давялося аднаўляць падачу электраэнергii. Адключалiся каля 850 трансфарматарных падстанцый, было абарвана 0,4 кiламетра лiнiй электраперадач. Моцны вецер зрываў шыфер i рубероiд з дахаў i пабудоў. У Бярэзiнскiм раёне з-за падзення дрэў утварылiся завалы прыкладна на 200 метрах дарогi. У Салiгорску ў панядзелак ранiцай знесла металiчны прыпынак, траўмы атрымалi два жыхары горада. Адзiн з iх дастаўлены ў Салiгорскае РТМА з падазрэннем на пералом рэбраў, другi пацярпелы ад шпiталiзацыi адмовiўся.

У Мiнскай вобласцi ў павышаным рэжыме гатоўнасцi працуюць тэрытарыяльныя, галiновыя i раённыя камiсii па надзвычайных сiтуацыях, створаны штаб лiквiдацыi НС у Мiнскiм аблвыканкаме. У работах па лiквiдацыi наступстваў стыхii задзейнiчаны 826 чалавек i больш за 200 адзiнак тэхнiкi. Выратавальнiкi-пажарныя рэкамендуюць па магчымасцi ўстрымацца ад далёкiх паездак i без асаблiвай патрэбы не выходзiць з дамоў. У iх трэба шчыльна зачыняць вокны, дзверы. Калi вы апынулiся на вулiцы, не стойце пад дрэвамi, рэкламнымi шчытамi-бiгбордамi.