У Еўрасаюзе фармiруецца новы погляд на Беларусь

Источник материала:

Нагадаем, што бельгiйская парламенцкая дэлегацыя знаходзiцца цяпер з вiзiтам у нашай краiне. Жан-Поль Анры, якi ўзначальвае дэлегацыю, з’яўляецца членам ПАСЕ i асацыiраваным членам ПА АБСЕ.

«Я заўсёды быў прыхiльнiкам развiцця парламенцкай дыпламатыi i заўсёды шкадаваў аб той карыкатурнай карцiнцы Беларусi, якую часта можна ўбачыць у Еўропе. Я iмкнуся садзейнiчаць таму, каб еўрапейцы лепш даведалiся пра Беларусь», — сказаў замежны госць.

Ён паведамiў, што ў блiжэйшыя днi Рэспублiку Беларусь «плануе наведаць дэлегацыя ад Хаўера Саланы» (вярхоўнага прадстаўнiка Еўрасаюза па знешняй палiтыцы i бяспецы). Гэта сведчыць аб тым, лiчыць Жан-Поль Анры, што ў Еўропе пачынае фармiравацца iншы, новы погляд на беларускую дзяржаву. На думку бельгiйскага дэпутата, «абодва бакi павiнны выкарыстаць гэты шанц». Бельгiйскi парламентарый таксама дадаў, што быў бы рады ўбачыць Уладзiмiра Канаплёва з вiзiтам у Бруселi. Жань-Поль Анры перакананы, што адносiны памiж бельгiйскiм i беларускiм парламентамi прадаўжаюць развiвацца.

Уладзiмiр Канаплёў падзякаваў замежнаму госцю за тую падтрымку, якую бельгiйскiя парламентарыi заўсёды аказваюць беларускiм калегам у ПАСЕ. Ён выказаў надзею, што супрацоўнiцтва памiж парламентарыямi Беларусi i Савета Еўропы будзе больш цесным i плённым.

«Улiчваючы, што Брусель — гэта цэнтр для важнейшых мiжнародных арганiзацый, сустрэчы з бельгiйскiмi парламентарыямi заўсёды вельмi важныя для беларускага боку», — падкрэслiў спiкер.