Главная
Гороскопы
Пiларама адключана. Напружанне ў вяскоўцаў больш не «скача»
Сяргей РАСОЛЬКА
«Гарачы» тэлефон «Звязды» 287-17-41 У рэдакцыю газеты «Звязда» па «гарачай лiнii» паступiла скарга ад жыхароў вулiцы Садовай вёскi Дзераўное Стаўбцоўскага раёна. Паводле слоў заяўнiкаў, на гэтай вулiцы размешчана пiларама прадпрымальнiка Сiнкевiча, падключаная да агульнай лiнii электраперадач. Чытачы скардзiлiся, што калi прадпрымальнiк падключае абсталяванне на пiлараме, напружанне ў сетцы пачынае «скакаць», ад чаго вяскоўцы ўжо доўгi час церпяць пэўныя нязручнасцi. Будаваць сваю падстанцыю, як, паводле слоў заяўнiкаў, прадпiсвалася раней, прадпрымальнiк нiбыта адмаўляецца.Па просьбе дырэктара Стаўбцоўскiх электрасетак Генадзя Пяткевiча рэдакцыя падрыхтавала афiцыйны запыт на адрас прадпрыемства з указаннем сутнасцi скаргi вяскоўцаў. На яго падставе камiсiя ў складзе начальнiка электрычных сетак Стаўбцоўскага раёна, дзяржiнспектара «Энерганагляду» i iнспектара МРА «Энергазбыт» правяла праверку электразабеспячэння дрэваапрацоўчага цэха ў вёсцы Дзераўное, што належыць iндывiдуальнаму прадпрымальнiку Сiнкевiчу. Скарга жыхароў вулiцы Садовая на няякаснае электразабеспячэнне пацвердзiлася. «Устаноўлена, што, згодна з тэхнiчнымi ўмовамi № 65 ад 21.07.1998 г., дазвольная ўстаноўленая магутнасць не павiнна перавышаць 20 кВт. На момант праверкi яна складала 89,5 кВт. Кiруючыся п. 5.5.2 Правiлаў карыстання электрычнай i цеплавой энергiяй, —гаворыцца ў афiцыйным адказе рэдакцыi за подпiсам дырэктара Стаўбцоўскiх электрасетак Генадзя Пяткевiча, — адключана i апламбiравана стужкавая пiларама. Iндывiдуальнаму прадпрымальнiку Сiнкевiчу выдадзена прадпiсанне Дзяржэнерганагляду, якое забараняе выкарыстанне магутнасцi вышэй указанага лiмiту ў 20 кВт. Пасля прынятых мераў напружанне ў iншых спажыўцоў па вулiцы Садовай стабiлiзавалася i складае 220—230 В».
Чтобы разместить новость на сайте или в блоге скопируйте код:
На вашем ресурсе это будет выглядеть так
У рэдакцыю газеты «Звязда» па «гарачай лiнii» паступiла скарга ад жыхароў вулiцы Садовай вёскi Дзераўное Стаўбцоўскага раёна
|
|