Шэрыф вылучыўся сумленнасцю

Источник материала:

INTER - ПОЛ

Рычард Небель, як кажуць яго калегi, заўсёды адрознiваўся сумленнасцю. Не падкачаў шэрыф i ў гэты раз: Рычард ехаў па чатырохпалоснай дарозе, калi яго ўвагу адцягнуў смеццявоз, якi нечакана спынiўся. Палiцэйскi стаў абганяць грузавiк i не заўважыў школьны аўтобус, што стаяў, перад якiм па правiлах неабходна затармазiць. Далей шэрыф зрабiў тое, што не ўсiм бы яго калегам прыйшло ў галаву — сам сабе выпiсаў штраф на 235 долараў за парушэнне правiлаў дарожнага руху, а таксама паставiў чатыры штрафныя балы. Квiтанцыю ён аплацiў на наступны ж дзень.

У МУЗЕI ЎКРАЛI ЗОЛАТА

Работнiкi японскага музея паплацiлiся за залiшнi клопат аб наведвальнiках. Пасля таго як людзям было дазволена дакранацца да блока залатых злiткаў агульнай вагой у 100 кiлаграмаў, гэты неверагодна дарагi экспанат коштам у 1,71 мiльёна долараў быў бессаромна выкрадзены.

Трое мужчын у масках уварвалiся ў музей у невялiкiм цэнтральным горадзе Такаяма, пакуль iх саўдзельнiк займаўся назiраннем звонку, схапiлi злiткi i, адпiхнуўшы работнiцу музея, знiклi. «На экспанаце не стаяла нiякай сiгналiзацыi або абароны ад зладзеяў нават пасля таго, як музей дазволiў сваiм наведвальнiкам дакранацца да яго», — паведамiла работнiца палiцыi. У праваахоўных органах не разумеюць, чаму работнiкi музея выставiлi сапраўдныя залатыя злiткi i не паклапацiлiся пра iх бяспеку.

Падрыхтаваў Iгар РЫГОРАЎ.