Вадзiцелю стала дрэнна

Источник материала:

Вадзiцелю аўтамабiля ВАЗ нечакана стала дрэнна, i ў вынiку на перакрыжаваннi вулiц яго аўтамабiль ударыўся ў сустрэчны, а гэта, у сваю чаргу, справакавала сутыкненнi iншых машын. Вадзiцеля з сардэчным прыступам забралi ў бальнiцу, больш нiхто не пацярпеў. Пашкоджаны толькi аўтамабiлi.

У БАБРУЙСКУ МУЖЧЫНА... ПАКУСАЎ ЖАНЧЫНУ

17 красавiка ўдзень 32-гадовая жанчына разам са сваякамi стаяла на прыпынку грамадскага транспарту на вулiцы Гогаля ў Бабруйску. Далей адбылося дзiўнае здарэнне: да яе падбег мужчына i... укусiў за руку.

Абураная бабруйчанка звярнулася па дапамогу ў мiлiцыю, i яе крыўдзiцель быў аператыўна затрыманы. Iм аказаўся 28-гадовы мясцовы жыхар, якi нiдзе не працуе.

Малады чалавек знаходзiўся ў момант здарэння ў нецвярозым стане, аднак пакуль тлумачэнняў — з якой жа прычыны ён укусiў чалавека — ён яшчэ не даў. Мiж тым, жанчына была вымушана звярнуцца ў траўмапункт, дзе ёй аказалi дапамогу ў сувязi з ранай двух пальцаў кiсцi. Мiлiцыя будзе разбiрацца з гэтым выпадкам, а мужчына затрыманы па падазрэнню ў хулiганстве.

Дарэчы, падобны выпадак быў калiсьцi ў Магiлёве: толькi там малады чалавек пацалаваў жанчыну i збег. Тым не менш i тады жанчына звярнулася ў мiлiцыю, палiчыўшы ўчынак незнаёмага мужчыны абуральным.

НЕ АДЧЫНЯЙЦЕ ДЗВЕРЫ НЕЗНАЁМЫМ ЛЮДЗЯМ!

14 красавiка а 10-й гадзiне ўвечары ў дзверы прыватнага дома на вулiцы Кiрава ў Бабруйску пастукалi.

Гаспадар дома, 50-гадовы мужчына, нават не спытаўшы «Хто там?», адчынiў дзверы. Два незнаёмыя чалавекi замест прывiтання адразу сталi збiваць мужчыну, i потым забралi з дома тэлевiзар. Бабруйская мiлiцыя ўжо затрымала зламыснiкаў: на адкрыты разбой вырашылiся два 25-гадовыя мужчыны, якiя нiдзе не працуюць.