Вiноўнiкi неўраджаю костачкавых

Источник материала:

Вiшнёвая муха — гэта маленькае (да 5 мм) насякомае. Зiмуюць кукалкi ў глебе на глыбiнi да 5 см. Вясной пасля цвiцення чарэшнi з кукалак паяўляюцца мухi, якiя харчуюцца сокам пладоў раннiх сартоў чарэшнi. Белыя бязногiя лiчынкi харчуюцца мякаццю пладоў, пакiдаючы за сабой непрыемны след.

Вiшнёвы слонiк — даволi вялiкi (да 10 мм) бронзава-зялёны з залацiстым бляскам жук. Зiмуюць жукi i лiчынкi ў глебе на глыбiнi 5—15 см. Выходзяць шкоднiкi з глебы, калi пупышкi вiшнi пачынаюць набухаць. Харчуюцца жукi пупышкамi, бутонамi, кветкамi. З паяўленнем завязi нападаюць на яе. Маладыя завязi знiшчаюць поўнасцю, а маладыя плады псуюць. Пашкоджваюць у асноўным вiшню i слiву.

Слiвавая пладажэрка зiмуе ў стадыi дарослага вусеня. Харчуюцца вусенi мякаццю пладоў, пакiдаючы за сабой непрымны след. На пладах у месцах пашкоджання застываюць светлыя празрыстыя кропелькi камедзi. Пашкоджаныя плады заўчасна выспяваюць i ападаюць. У гады масавага развiцця слiвавая пладажэрка знiшчае ўвесь ураджай слiвы i алычы.

Каб змагацца са шкоднiкамi цi хоць бы зменшыць iх шкоднасць, трэба комплексна пабудаваць прафiлактычныя i ахоўныя меры, раяць вучоныя Навукова-даследчага iнстытута аховы раслiн:

— перакапайце глебу па дрэвам да 15—20 см, каб знiшчыць шкоднiкаў увосень цi вясной да распускання пупышак;

— своечасова ўносьце ўгнаеннi i падтрымлiвайце дрэвы ў добрым фiзiялагiчным стане — гэта дасць iм магчымасць супрацiўляцца шкоднiкам i хваробам;

— адразу пасля цвiцення выражце галiнкi, паражоныя манiлiяльным апёкам, захапiўшы 10—12 см здаровай тканкi. Месцы зрэзаў прадэзiнфiкуйце 1-працэнтным медным купарвасам, закрыйце садовай замазкай цi водаэмульсiйнай фарбай;

— усё лета неабходна перыядычна збiраць i знiшчаць пашкоджаныя шкоднiкамi i паражоныя хваробамi завязi i плады.

Правядзенне ахоўных мерапрыемстваў супраць шкоднiкаў, раяць вучоныя, трэба пачынаць у час да распускання пладовых пупышак. Першае апырскванне трэба правесцi па «зялёнаму конусу» 1-працэнтным растворам азафосу. У перыяд набухання бутонаў апрацоўку азафосам паўтарыць. У час паружавення бутонаў правесцi комплекснае апырскванне супраць хвароб i шкоднiкаў. Супраць хвароб выкарыстоўваюць сiстэмныя фунгiцыды (байлетон СП — 1—2 г на 10 л вады цi тапсiн М — 20 г таксама на 10 л вады). Для барацьбы са шкоднiкамi ў рабочы раствор дабаўце iнсектыцыд сумiтон — 1—24 мл/10 л вады.

У канцы цвiцення апырскванне супраць хвароб i шкоднiкаў паўтарыце. Праз 10—15 дзён пасля цвiцення пры спрыяльных умовах для развiцця ўзбуджальнiкаў хвароб (у цёплае вiльготнае надвор’е) яшчэ раз апрацуйце дрэвы азафосам.

Апрацоўкi трэба праводзiць у ранiшнiя цi вячэрнiя часы, у цёплае бязветранае надвор’е.