Спадарожнiкавыя «талеркi» i кандыцыянеры будуць усталяваны па правiлах

Источник материала:

«Апошнiм часам працэсам мантажу гэтых прыбораў на фасадах будынкаў стала немагчыма кiраваць. У горадзе налiчваецца 2,5 тысячы кандыцыянераў i 10,5 тысячы антэн. I толькi 40 спадарожнiкавых «талерак» усталяваны па ўзгадненню з адмiнiстрацыямi раёнаў, — растлумачыў старшыня камiтэта архiтэктуры i горадабудаўнiцтва Мiнскага гарвыканкама, галоўны архiтэктар сталiцы Вiктар Нiкiцiн. — Да таго ж парушаецца эстэтычны выгляд горада, асаблiва на цэнтральных вулiцах».

Згодна з новым рашэннем Мiнгарвыканкама, якое зараз складаецца i ўбачыць свет ужо ў блiжэйшы час, будзе дакладна прапiсаны ўвесь механiзм размяшчэння кандыцыянераў i антэн на фасадах будынкаў. Правядуць тэхнiчную праверку i рэвiзiю прыбораў, якiя ўжо ёсць на сценах дамоў, з мэтай высветлiць, наколькi iх усталяванне адпавядала прапiсаным нормам. За выкананне новых правiлаў будуць адказныя адмiнiстрацыi раёнаў.

Мiж тым, першы дакумент, якiя рэгуляваў размяшчэнне тэлевiзiйных антэн, складзены яшчэ ў 1994 годзе. Як адзначае Вiктар Нiкiцiн, у той час сталiчныя жыхары былi больш законапаслухмянымi. Аднак сёлета зiмой мiнулае рашэнне было адменена. У той жа час у Кодэксе аб адмiнiстрацыйных правапарушэннях любое змяненне вонкавага выгляду фасада прыроўнiваецца да факта самавольнага будаўнiцтва. «Мы, канешне ж, разумеем, што ў адзiн момант праблему не вырашыць i не жадаем павальна здымаць са сцен будынкаў гэтыя карысныя для людзей рэчы. Але ў той жа час хваля неабмежаванага, са шматлiкiмi парушэннямi, усталявання кандыцыянераў i антэн павiнна спынiцца. Таму мы i рыхтуем новае рашэнне», — падкрэслiў спецыялiст.

Адначасова галоўны архiтэктар сталiцы заўважае, што работы па ўдасканаленню знешняга выгляду датычацца не толькi фасадаў будынкаў. У блiжэйшыя гады Мiнск прыўнясе ў сваё аблiчча новыя павевы, якiя закрануць i сiстэму транспарту. Ужо ў студзенi 2008 года пачнецца будаўнiцтва трэцяй лiнii метро, якая будзе складацца з пяцi станцый агульнай працягласцю ў пяць з паловай кiламетраў. Нараджэнне новай лiнii будзе садзейнiчаць развiццю аднаго з прызначэнняў Мiнска як еўрапейскай сталiцы — актыўнаму функцыянаванню дзелавой часткi горада. Аднак яна будзе знаходзiцца не ў цэнтры, i гэтаму ёсць тлумачэнне. «Беларуская сталiца нагадвае Лондан, ён таксама з’яўляецца горадам, якi складаецца ў асноўным з невысокiх будынкаў, — тлумачыць Вiктар Нiкiцiн. — Цэнтрам мiнскага дзелавога жыцця стане «Мiнск-сiцi». Пачне ён узводзiцца да сярэдзiны 2009 года. Да гэтага часу ўзлётна-пасадачная паласа аэрапорта «Мiнск-1», на тэрыторыi якога i з’явіцца комплекс вышынных будынкаў, будзе аднесена за горад. Месца для забудовы мы выбралi адмыслова, таму што ўзводзiць высокiя пабудовы ў сэрцы сталiцы немэтазгодна».