Главная
Гороскопы
Дзяржкампагранвойскаў Беларусi мае намер больш актыўна процiдзейнiчаць трансгранiчнай злачыннасцi
Прэзiдэнт Беларусi Аляксандр Лукашэнка 16 лiпеня прыняў з дакладам старшыню Дзяржаўнага камiтэта пагранiчных войскаў Беларусi Iгара Рачкоўскага, паведамiлi БЕЛТА ў прэс-службе кiраўнiка дзяржавы.
У цэнтры ўвагi знаходзiлася пытанне, што датычыцца канцэпцыi развiцця пагранiчных войскаў Беларусi на 2008—2017 гады i змянення арганiзацыйна-штатнай структуры, якая давала б магчымасць больш эфектыўна процiдзейнiчаць кантрабандзе зброi, наркотыкаў, гандлю людзьмi, нелегальнай мiграцыi. Як адзначыў старшыня Дзяржкампагранвойскаў, арганiзацыйна-штатныя змяненнi абумоўлены, перш за ўсё, усё большым пераходам пагранiчных войскаў да выканання праваахоўных функцый. На сустрэчы абмяркоўвалiся таксама пытаннi пагранiчнага кантролю i работы пунктаў пропуску. Дзяржкампагранвойскаў сумесна з Дзяржаўным мытным камiтэтам iмкнецца да таго, каб перасячэнне дзяржаўнай гранiцы не стварала праблем для законапаслухмяных людзей, але было б непераадольным бар’ерам для злачынцаў. Прэзiдэнту даложана аб развiццi прыгранiчнай iнфраструктуры. Гэта датычыцца, у першую чаргу, паляпшэння работы грузаперавозчыкаў i вызначэння зон iх перамяшчэння i адпачынку ў гарачае надвор’е. Iгар Рачкоўскi праiнфармаваў кiраўнiка дзяржавы аб мiжнародным супрацоўнiцтве ведамства, узаемаадносiнах з сумежнымi краiнамi.
Чтобы разместить новость на сайте или в блоге скопируйте код:
На вашем ресурсе это будет выглядеть так
Прэзiдэнт Беларусi Аляксандр Лукашэнка 16 лiпеня прыняў з дакладам старшыню Дзяржаўнага камiтэта пагранiчных войскаў Беларусi Iгара Рачкоўскага, павед
|
|