Куды iдуць «капiтальныя» грошы?

Источник материала:

Г.В. СЯМЁНАЎ, г. Мiнск.

Як растлумачыў «Звяздзе» начальнiк аддзела iдэалагiчнай работы Мiнскага абласнога ўнiтарнага прадпрыемства «Упраўленне жыллёва-камунальнай гаспадаркi» Вячаслаў Асоўскi, у адпаведнасцi з пунктам 1.5 пастановы Савета Мiнiстраў Рэспублiкi Беларусь ад 25 жнiўня 1999 года № 1332 «Аб упарадкаваннi разлiкаў насельнiцтва за карыстанне жылымi памяшканнямi i камунальнымi паслугамi» наймальнiкi, уласнiкi жылых памяшканняў, члены арганiзацыi грамадзян-забудоўшчыкаў, якiя пражываюць у шматкватэрных жылых дамах, ажыццяўляюць абавязковыя штомесячныя адлiчэннi на капiтальны рамонт жылых дамоў у памеры 100 працэнтаў ад сумы платы за тэхнiчнае абслугоўванне жылых памяшканняў, разлiчанай паводле ўстаноўленых ставак. Гэтыя адлiчэннi акумулююцца на субрахунках жыллёва-эксплуатацыйных арганiзацый, гарадскiх (раённых) аб’яднанняў жыллёва-камунальнай гаспадаркi, мясцовых выканаўчых i распарадчых органаў i адкрываюцца для назапашвання сродкаў, што паступаюць ад насельнiцтва на капiтальны рамонт жыллёвага фонду.

Разлiк адлiчэнняў на капiтальны рамонт здзяйсняецца адначасова з налiчэннем аплаты за жыллёва-камунальныя паслугi. Плата грамадзянамi адлiчэнняў на капiтальны рамонт ажыццяўляецца штомесяц у тэрмiн, устаноўлены для ўнясення платы за жыллёва-камунальныя паслугi: за кожны мiнулы месяц не пазней 25-га чысла наступнага месяца.

Адлiчэннi на капiтальны рамонт накiроўваюцца на фiнансаванне ўсiх стадый капiтальнага рамонту жылых дамоў, у тым лiку на распрацоўку праектна-каштарыснай дакументацыi, на экспертызу, вядзенне аўтарскага, тэхнiчнага i будаўнiчага наглядаў, на рамонтна-будаўнiчыя работы i iншыя затраты ў адпаведнасцi з дзеючымi нарматыўнымi прававымi актамi.

Адлiчэннi на капiтальны рамонт накiроўваюцца на фiнансаванне расходаў па капiтальнаму рамонту i цеплавой рэабiлiтацыi жылых дамоў пры ўмове iх уключэння ў тытульныя спiсы, зацверджаныя рай(гар)выканкамамi.