Гуляюць 22 ігракi, а перамагаюць немцы

Источник материала:

Гуляюць 22 ігракi, а перамагаюць немцы

Вакол Еўра

"Гуляюць у футбол 22 чалавекi, а перамагаюць заўсёды немцы!" — гэта культавае выказванне легендарнага англiйскага форварда Гары Лiнекера вельмi да месца. I застаецца толькi дадаць: "...нават калi ўсе прагнозы супраць iх". Як бы нi ўзносiлi Партугалiю пасля стартавых перамог над Турцыяй i Чэхiяй, як бы нi лаялi Германiю за паражэнне — прычым абсалютна справядлiва — ад Харватыi, але паводле вынiку першага чвэрцьфiнальнага матча Еўра-2008 (3:2) далей iдуць зусiм не падапечныя Луiса Фiлiпэ Скалары, а бравая дружына Йоахiма Лёва. У складзе нямецкай каманды вызначылiся Басцiян Швайнштангер, Мiраслаў Клозэ i Мiхаэль Балак. Галы ў адказ на рахунку Нуну Гамеша i Элдэра Пашцiгi. У паўфiнале немцы згуляюць з пераможцам матча Харватыя — Турцыя.

РФС абвяргае iнфармацыю аб прэмiяльных

Расiйскi футбольны саюз абверг iнфармацыю аб тым, што футбалiсты i трэнеры зборнай Расii атрымаюць сем мiльёнаў еўра за выхад у плей-оф чэмпiянату Еўропы. Iгракi атрымаюць прэмiяльныя, але канкрэтныя сумы з’яўляюцца канфiдэнцыяльнай iнфармацыяй. Раней паведамлялася, што за перамогу ў матчы са Швецыяй, якая гарантавала падапечным Гуса Хiдынка выхад у 1/4 фiналу Еўра-2008, расiйскiя футбалiсты атрымаюць прыкладна па 300 тысяч долараў. Як паведамiлi ў РФС, памер агульных прэмiяльных можа памяняцца ў залежнасцi ад таго, якi будзе канчатковы вынiк зборнай расii на Еўра-2008.

Булахруз працягне выступленне

Абаронца зборнай Галандыi Халiд Булахруз, у якога 18 чэрвеня памерла нованароджаная дачка, працягне выступленне на Еўра-2008, паведамiў галоўны трэнер галандцаў Марка ван Бастэн. Жонка Балахруза, цяжарнасць якой праходзiла з ускладненнямi, была дастаўлена ў бальнiцу 18 чэрвеня i датэрмiнова нарадзiла дачку. У хуткiм часе нованароджаная памерла. Футбалiст пакiнуў размяшчэнне каманды, але хутка вернецца. 21 чэрвеня зборная Галандыi ў 1/4 фiналу згуляе з Расiяй.

Невiнаватыя яны!

Балельшчыкi зборнай Расii не маюць дачынення да пажару ў турэцкiм пяцiзоркавым гатэлi "Lе Сhаtеаu dе Рrеstigе". Пажар у гасцiнiцы, размешчанай у курортным горадзе Кемер (Анталья), узнiк у ноч з 18 на 19 чэрвеня. Паведамленнi аб тым, што ўзгаранне адбылося ў нумары расiйскага турыста, не пацвердзiлася. Адмiнiстрацыя гатэля не мае прэтэнзiй да расiян, якiя святкавалi перамогу сваёй зборнай над Швецыяй. Узгаранне ўзнiкла ў калiдоры гатэля, а агульная плошча пажару склала 20 квадратных метраў. Каля 50 турыстаў, якiя знаходзiлiся ў гатэлi, атруцiлiся чадным газам. Больш за тысячу пастаяльцаў гатэля былi эвакуяваны. Акрамя адпачывальнiкаў, у гасцiнiцы знаходзiлiся ўдзельнiцы конкурсу прыгажосцi Miss Kеmеr Intеrnаtiоnаl.