Уласны дом? Ва ўласнасць i кватэры

Источник материала:

У адпаведнасцi з арт. 104 Жыллёвага кодэкса Рэспублiкi Беларусь ў выпадку зносу аднакватэрнага блочнага жылога дома, пабудоў i збудаванняў пры iм, якiя належаць на момант зносу грамадзянiну на праве ўласнасцi, у сувязi з канфiскацыяй зямельнага ўчастка для дзяржаўных патрэб, указанаму грамадзянiну сумесна з членамi яго сям’i даецца за кошт адпаведных прадпрыемстваў, устаноў, арганiзацый, якiм адводзiцца зямельны ўчастак, па выбары грамадзянiна права на:

атрыманне ва ўласнасць добраўпарадкаванай кватэры, якая адпавядае патрабаванням Жыллёвага кодэкса (жылое памяшканне выдзяляецца ў межах ад 15 да 20 кв. метраў агульнай плошчы на аднаго чалавека. Жылое памяшканне можа быць выдзелена з перавышэннем максiмальнай нормы выдзялення агульнай плошчы, калi яно складае аднапакаёвую кватэру або прызначана для пражывання грамадзян рознага полу, акрамя мужа i жонкi, а таксама ў выпадку выдзялення дадатковай плошчы. Грамадзянам, якiя пакутуюць на цяжкiя формы хранiчных захворванняў, звыш мiнiмальнай нормы выдзялення агульнай плошчы жылога памяшкання выдзяляецца дадатковая плошча ў выглядзе пакоя або ў памеры пятнаццацi квадратных метраў агульнай плошчы. Пералiк захворванняў, якiя даюць права на атрыманне дадатковай плошчы, устанаўлiваецца рэспублiканскiм органам дзяржаўнага кiравання па ахове здароўя);

будаўнiцтва i (або) атрыманне ва ўласнасць жылога дома, пабудоў i збудаванняў пры iм, раўнацэнных тым, што зносяцца, па добраўпарадкаваннi i агульнай плошчы;

перанос i аднаўленне пры наяўнасцi тэхнiчнай магчымасцi дома, якi зносiцца, пабудоў, збудаванняў i насаджэнняў пры iм;

атрыманне грашовай кампенсацыi за дом, якi зносiцца, пабудовы, збудаваннi i насаджэннi пры iм, што вызначаецца на падставе заключэння экспертызы аб кошце жылога дома, пабудоў, збудаванняў i насаджэнняў пры iм.

Выдзяленне членам сям’i ўласнiка дома, што зносiцца, жылых памяшканняў паводле дагавора найму жыллёвым заканадаўствам, якое дзейнiчае, не прадугледжана.

Спрэчкi, звязаныя з прызнаннем права ўласнасцi на жылое памяшканне, атрыманае ў сувязi са зносам дома, якi належыць грамадзянiну на праве ўласнасцi, разглядаюцца ў судовым парадку.