Шклоўская газетная папера з’явіцца ў найблiжэйшым месяцы

Источник материала:

Ён найперш нагадаў, што гэты завод мае не толькi машыну па вырабе газетнай паперы, але i дадатковыя складаныя вытворчасцi. Там ёсць яшчэ лесапiльня i вытворчасць драўляных домiкаў. Фактычна: тры заводы ў адным.

Тэхналогiя вырабу газетнай паперы — унiкальная i складаная, таму што ўпершыню ў краiнах СНД папера будзе вырабляцца не з цэлюлозы, а з тэрмамеханiчнай масы, якая ўтрымлiвае толькi 10—15 працэнтаў цэлюлозы.

— Завод газетнай паперы ў стадыi наладкi, — паведамiў кiраўнiк Магiлёўскай вобласцi. — Фiрмы, якiя пастаўлялi абсталяванне, сцвярджаюць, што патрэбен год для выхаду на праектную магутнасць у 40 тысяч тон паперы. Цяпер практычна ўсе пытаннi зняты. Каб нарэшце атрымаць газетную паперу, павiнен быць завершаны поўны цыкл адбельвання. Там ёсць складанасцi ў тэхнiцы бяспекi, бо падача хiмiкатаў — гэта выбухованебяспечны тэхналагiчны працэс. І таму ёсць некаторая затрымка ў падрыхтоўцы кадраў.

Барыс Батура сказаў, што сама машына па вырабе газетнай паперы без адбельвання працуе ў нармальным рэжыме i на тых хуткасцях, якiя даюць магчымасць рабiць газетную паперу. "Я мяркую, што ў найблiжэйшым месяцы з’явiцца адбеленая газетная папера, на якой вы будзеце друкаваць свае газеты", — запэўнiў ён журналiстаў.

Шклоўскi завод газетнай паперы даў гораду новыя працоўныя месцы — ужо цяпер там працуе 480 чалавек, развiваецца сацыяльная сфера — здадзены два новыя дамы i будуць будавацца наступныя.

Калi завод выйдзе на праектныя магутнасцi, ён будзе рабiць значныя падатковыя адлiчэннi ў бюджэт.