Віртуальныя танцы пад рэальныя хiты

Источник материала:

З верасня па студзень на сайце www.еurоdаnсеwеb.nеt будзе доўжыцца галасаванне iнтэрнэт-карыстальнiкаў. Лепшую кампазiцыю, са свайго пункту гледжання, паралельна выбiраюць прафесiйныя дыджэi i музычныя крытыкi. Па вынiках галасавання, адпаведна, публiкуюцца два спiсы лiдараў.

Сёлета ў спаборнiцтве ўдзельнiчаюць танцавальныя хiты з 40 краiн свету. Эксперты адзначаюць такую дэталь, як рэгiянальная моўная разнастайнасць кампазiцый: скажам, Швейцарыю прадстаўляе хiт, напiсаны на дыялекце, якi выкарыстоўваюць у "нямецкай Швейцарыi", а Іспанiю — песня на дыялекце мясцовасцi Галiсiя. Другая адметнасць — сярод завочных канкурсантаў дастаткова многа вельмi вядомых iмёнаў. Напрыклад, Малдову прадстаўляе колiшнi ўдзельнiк гурта "О-Zоnе" Дан Балан, Германiю — папулярны дыджэй Алекс С, Кiпр — спявачка Эўрыдзiкi, а Румынiю — тамтэйшая "зорка" спявак Мiхай Трайстарыу. Мiж iншым, менавiта ён цяпер знаходзiцца на першым месцы ў галасаваннi слухачоў. Удзельнiца ад Беларусi Берта замыкае дзясятку лiдараў.

Дарэчы, наша краiна ўжо заваёўвала першае месца ў фестывалi "Еurоdаnсеwеb" — у 2005 годзе, прадставiўшы рэмiкс на песню Наталлi Падольскай "Позна".