"Ахова" — новыя рабочыя месцы

Источник материала:

У сувязi з павялiчэннем попыту на паслугi колькасць супрацоўнiкаў у падраздзяленнях "Аховы" ў розных рэгiёнах Вiцебскай вобласцi сёлета павялiчылася.

Толькi ў Прыдзвiнскiм краi ахоўваецца больш за 17 тысяч дамоў грамадзян, больш за тысячу кватэр абсталяваны сродкамi трывожнай сiгналiзацыi.

Мiлiцыянеры "Аховы" i вартавыя падраздзяленнi таксама забяспечваюць ахову больш за 300 аб’ектаў.

Найлепшых вынiкаў у прыёме пад ахову дасягнулi ўсе тры вiцебскiя раённыя аддзелы, а таксама ў Чашнiцкiм, Докшыцкiм, Шаркоўшчынскiм, Верхнядзвiнскiм аддзяленнях.

Кожныя суткi ахоўваюць парадак больш за 500 супрацоўнiкаў "Аховы" плюс столькi ж — з ваенiзаванага i вартаўнiк складу. Ім у карпатлiвай рабоце дапамагаюць сабакi. Цiкава, што дзякуючы дапамозе гэтых "ахоўнiкаў" сёлета ўжо раскрылi каля 70 злачынстваў.

За першае паўгоддзе на аб’ектах, што ахоўваюцца, нарады затрымалi каля 40 чалавек, якiя спрабавалi трапiць на падкантрольныя тэрыторыi...

Спецыяльнае падраздзяленне займаецца суправаджэннем грузаў, што перавозяць на аўтатранспарце. Штодзень падраздзяленнi Вiцебскага абласнога ўпраўлення аховы, Аршанскага, Полацкага i Пастаўскага раёнаў канваююць да 30 аўтамабiляў з грузамi вялiкай каштоўнасцi.

Па вынiках аператыўна-службовай дзейнасцi ў першым паўгоддзi лепшымi прызнаны Першамайскi аддзел горада Вiцебска (кiраўнiк Аляксандр Пруднiкаў), Докшыцкае аддзяленне (Iван Трусевiч)... Добра таксама папрацавалi камандзiр узвода мiлiцыi Кастрычнiцкага аддзела абласнога цэнтра Iгар Белавусаў, мiлiцыянер з Чашнiцкага раёна Мiкалай Федарцоў... Лепшым вадзiцелем прызнаны Мiкалай Коваль з Наваполацка, кiнолагам — Юрый Грыгарчук, мiлiцыянерам групы затрымання — Андрэй Кандаўраў.