Павялiчаны Памер субсiдыi сельскiм беспрацоўным пры арганiзацыi прадпрымальнiцтва

Источник материала:

Урад Беларусi павялiчыў памер субсiдыi сельскiм беспрацоўным пры арганiзацыi iмi прадпрымальнiцкай дзейнасцi да 15 бюджэтаў пражытковага мiнiмуму ў сярэднiм на душу насельнiцтва (БПМ з 1 лiстапада 2008 года па 31 студзеня 2009 года складае Br223 тыс. 660). Такое рашэнне змяшчаецца ў пастанове ўрада № 37, якое ўступае ў сiлу з 1 студзеня гэтага года паведамiлi ў Апараце Савета Мiнiстраў.

Субсiдыя для беспрацоўных вяскоўцаў раней прадастаўлялася ў памеры 11-разовай велiчынi БПМ. Субсiдыя павялiчана амаль на 36,4 працэнта — такое рашэнне прынята ў мэтах стымулявання беспрацоўных грамадзян, якiя пражываюць у сельскiх населеных пунктах, да адкрыцця сваёй справы.

Яшчэ адна значная навацыя — прадугледжана магчымасць выдзялення субсiдыi беспрацоўным, якiя вырашылi арганiзаваць бiзнэс не толькi ў выглядзе iндывiдуальнага прадпрымальнiцтва, прыватнага ўнiтарнага прадпрыемства, але i сялянскай (фермерскай) гаспадаркi. А памер субсiдыi будучым фермерам будзе залежаць ад таго, дзе яны пражываюць. "Калi ў сельскай мясцовасцi, то яны атрымаюць па 15 БПМ, калi ў малых гарадах i населеных пунктах з устойлiва высокiм узроўнем беспрацоўя (гэты пералiк штогод вызначаецца дзяржаўнай i абласнымi праграмамi садзейнiчання занятасцi насельнiцтва) — таксама 15 БПМ, у астатнiх выпадках — 11 БПМ", — растлумачыла прадстаўнiк Мiнпрацы i сацабароны.

У Палажэнне аб садзейнiчаннi беспрацоўным у арганiзацыi прадпрымальнiцкай дзейнасцi ўнесены таксама iншыя iстотныя змяненнi. У iх лiку — адмена прадастаўлення беспрацоўным грашовых сродкаў на развiццё свайго бiзнэсу. Справа ў тым, што Бюджэтным кодэксам Рэспублiкi Беларусь не прадугледжваецца магчымасць прадастаўлення фiзiчным асобам грашовых сродкаў на зваротнай аснове. Пры гэтым спецыялiст падкрэслiла, што парадак прадастаўлення беспрацоўным субсiдый у названым палажэннi застаецца.