Кіраўнiкi дзяржаў ЕўрАзЭС лiчаць неабходным стварыць Антыкрызiсны фонд

Источник материала:

Паводле слоў беларускага лiдара, гэты фонд не будзе камерцыйным, а будзе выкарыстоўвацца выключна ў мэтах падтрымкi. Як чакаецца, яго памер складзе каля $10 млрд. Згодна з папярэдняй iнфармацыяй, узнос Расii складзе каля $7,5 млрд., Казахстана — каля $1 млрд. Долi астатнiх дзяржаў — членаў ЕўрАзЭС будуць вызначаны пазней.

Як падкрэслiў Аляксандр Лукашэнка на прэс-канферэнцыi для журналiстаў, якая адбылася пасля завяршэння самiту ЕўрАзЭС, утварэнне Антыкрызiснага фонду — рэакцыя на выклiкi сённяшняга дня. "Антыкрызiсны фонд — гэта, можна лiчыць, элемент антыкрызiсных мераў, таму што нашым дзяржавам сёння больш за ўсё не хапае грошай, i з гэтым сутыкаюцца практычна ўсе краiны ЕўрАзЭС. Мы не ведаем глыбiнi сусветнага крызiсу, яго працягласцi i наступстваў, таму многае даводзiцца рабiць тактычна, не выбудоўваючы стратэгiю", — дадаў Прэзiдэнт Беларусi.

Ён нагадаў, што ў рамках Саюзнай дзяржавы Беларусь i Расiя падрыхтавалi свой антыкрызiсны план, i, паводле ацэнкi Аляксандра Лукашэнкi, ён атрымаўся грунтоўны.

"Такi план прыняты ў рамках Саюзнай дзяржавы. У ЕўрАзЭС мы прымаем толькi элемент, але гэта вельмi важны элемент, i ствараем фонд у памеры $10 млрд. Гэта, можна сказаць, падушка бяспекi для дзяржаў, калi раптам сiтуацыя стане вельмi крытычная ў якой-небудзь краiне або ў групе дзяржаў", — падкрэслiў Аляксандр Лукашэнка.