Таксі: узрост не перашкода

Источник материала:

З 1 красавiка гэтага года знятыя ўзроставыя абмежаваннi па рэгiстрацыi аўтамабiляў-таксi i транспартных сродкаў катэгорыi М2, якiя прызначаныя для перавозкi пасажыраў у рэгулярных зносiнах, паведамiлi "Звяздзе" ва УДАІ УУС Мiнаблвыканкама.

Як удакладнiлi ў Дзяржаўтаiспекцыi, раней у якасцi аўтамабiля-таксi ўпершыню мог быць зарэгiстраваны аўтамабiль, не старэйшы за 10 гадоў.

Акрамя таго, паведамiлi ва УДАI, з мэтай кантролю за ўдзелам у дарожным руху транспартных сродкаў з танiраваным шклом з 1 красавiка пры рэгiстрацыi аўтамабiля з заводскай танiроўкай шкла, што ўвезеныя ў Беларусь i зарэгiстраваныя да 1 красавiка 2006 года, у абавязковым парадку ў графе "асаблiвыя адзнакi" пасведчання аб рэгiстрацыi неабходна пазначаць дату мытнага афармлення. Калi будуць адсутнiчаць, то як пры праходжаннi тэхагляду, так i ў ходзе нагляду за дарожным рухам гэта будзе расцэньвацца як парушэнне пункта 194.12 Правiлаў дарожнага руху.

Дзяржаўтаiнспекцыя таксама iнфармуе пра тое, што з 1 мая гэтага года пры выдачы пасведчання аб рэгiстрацыi транспартных сродкаў графа "марка-мадэль" будзе запаўняцца на англiйскай мове, як гэта прадугледжана Канвенцыяй аб дарожным руху, прынятай у Вене ў 1968 годзе.