''Правы Альянс'' зарэгістравалі

Источник материала:

Цяпер беларускім правым афіцыйна дазваляецца куды болей, чым раней. Арганізацыя "Правы Альянс" 17 чэрвеня атрымала рэгістрацыю. Пра гэта Радыё Рацыя паведаміў кіраўнік арганізацыі Юры Карэтнікаў.  Дакладна акрэслена мэта ўстановы: ажыццяўленне інфармацыйна - кансалтынгавых функцыяў некамерцыйнага характару, падтрымка дзейнасці моладзевых сфер адукацыі, бізнесу, культуры, спорту і турызму, а таксама судзейнічанне эканамічнаму і сацыяльна-культурнаму развіццю грамадзян Беларусі.

Арганізацыя “Правы альянс” 17 чэрвеня атрымала пасведчанне аб афіцыйнай рэгістрацыі ад органаў улады.

“Правы альянс” паўстаў пяць год таму як аб'яднаньне беларускіх патрыятычных моладзевых ініцыятываў пасля таго, як самараспусцілася Беларуская Партыя Свабоды.

Пасля пяці год нелегальнай працы арганізацыя была зарэгістраваная, як  інфармацыйна-кансалтынгавая ўстанова.

Цяпер беларускім “правым” афіцыйна дазваляецца куды болей, чым раней. Арганізацыя “Правы альянс” 17 чэрвеня атрымала рэгістрацыю, як інфармацыйна-кансалтынгавая ўстанова. У ёй дакладна акрэслена мэта ўстановы – ажыццяўленне інфармацыйна-кансалтынгавых функцый некамэрцыйнага характару, падтрымка дзейнасьці моладзе ў сфэры адукацыі, бізнесу, культуры, спорту, турызму, а таксама судзейнічаньне эканамічнаму і сацыяльна-культурнаму разьвіцьцю грамадзян Беларусі. Цяпер “Правы альянс” не баючыся можа выдаваць кнігі, часопісы, дыскі, займацца рэклямай і нават навуковымі даследаваннямі.

- Мы рэгістраваліся, як інфармацыйна-кансалтынгавая структура, бо тут больш простая рэгістрацыя. Ёй займаецца не Міністэрства юстыцыі, якое вельмі своеасабліва ставіцца да рэгістрацыі незалежных грамадскіх арганізацый і партый. А тут займаюцца іншыя дзяржаўныя структуры - адміністрацыя раёна, рэестр па назвах і г.д. Галоўны плюс  у тым, што мы цяпер афіцыйна можам выкарыстоўваць сваю назву, мець бланкі, пячаткі, публічна заяўляць пра свае намеры. Гэта палёгка для нашых актывістаў. У нас цяпер большыя магчымасці для адкрыцця сваіх прадстаўніцтваў у рэгіёнах. Мінус у тым, што наглядны кантроль ажыццяўляюць падатковая інспекцыя і  адказнасць тут ідзе, як ад камерцыйнай структуры. Таму калі будзе пастаўлена задача нас прыбраць, то гэта будзе значна прасцей, чым  ліквідаваць грамадскае аб’яднанне. 

“Правы альянс” дзейнічаў дагэтуль у неафіцыйным статусе пяць год і правёў дзесяткі акцый у сталіцы і рэгіёнах нацыянальна-патрыятычнай і грамадзка-сацыяльнай скіраванасьці. Ачольвае арганізацыю Юрась Карэтнікаў, які на апошніх парламенцкіх выбарах  вылучаўся ў якасці кандыдата ў дэпутаты. Летась яго затрымлівалі ў справе выбуху 3 ліпеня, але абвінавачванняў так і не прад’явілі.