У лес па грошы
У лес па грошы
Чарнiцы i лiсiчкi — актуальныя лiдары сезона нарыхтовак. Iм складаюць канкурэнцыю парэчкi з сельскiх сядзiбаў Пачынаючы з гэтага тыдня, Магiлёўскi аблспажыўсаюз падняў цэны на чарнiцы. Калi да апошняга часу за кiлаграм чарнiц людзям плацiлi 3,5 тысячы рублёў, то з гэтага тыдня — 3700—4000 рублёў. Такiм чынам спажывецкiя таварыствы спадзяюцца павялiчыць аб'ём нарыхтовак чарнiц: сёння ён не дацягвае да леташняга ўзроўню амаль на сотню тонаў. Праўда, спецыялiсты па нарыхтоўках на гэты конт не хвалююцца. На сёлетнюю нарыхтоўчую кампанiю паўплывала надвор'е, i яна пачалася на два тыднi пазней. Камбiнацыя спякоты з моцнымi дажджамi не лепшым чынам адбiлася на якасцi ягады, якую i цяпер то палiць сонца, то залiвае вадой. Таму чарнiцы сёлетняга ўраджаю не дацягваюць да класа "А" паводле еўрапейскiх стандартаў. А менавiта на рынках Заходняй Еўропы актыўна набываюць беларускiя чарнiцы — 99% ад усяго сабранага ўраджаю, прынамсi на Магiлёўшчыне. Акрамя надвор'я, на сiтуацыю паўплываў i крызiс: попыт на чарнiцы па-ранейшаму ёсць, але цэны ўпалi. I калi летась за кiлаграм чарнiц еўрапейскiя прадпрымальнiкi плацiлi 2,3 еўра, то ў гэтым сезоне — не болей за 1,4-1,5 еўра. У Беларусi цэны на чарнiцы засталiся на леташнiм узроўнi, хоць пры пералiку на валюту i яны знiзiлiся. — За чарнiцы, лiсiчкi i ўсю iншую прадукцыю ў сельскiх крамах i нарыхтоўчых пунктах на рынках жывыя грошы плацяць адразу, без адтэрмiновак, — запэўнiў начальнiк упраўлення нарыхтовак аблспажыўсаюза Аляксандр Уткiн. — Хоць дзеля гэтага нам даводзiцца адцягваць уласныя сродкi арганiзацыi. Летась на гэтую пару мы мелi крэдыт на нарыхтоўкi, а сёлета яго пакуль няма. — запэўнiў начальнiк упраўлення нарыхтовак аблспажыўсаюза Аляксандр Уткiн. — Хоць дзеля гэтага нам даводзiцца адцягваць уласныя сродкi арганiзацыi. Летась на гэтую пару мы мелi крэдыт на нарыхтоўкi, а сёлета яго пакуль няма.Аднак нягледзячы на крызiс, агульны нарыхтоўчы абарот Магiлёўскага аблспажыўсаюза перавысiў за паўгода 116 % у параўнаннi з леташнiм паказчыкам. За паўгода за сельскагаспадарчую прадукцыю i сыравiну спажывецкiя таварыствы выплацiлi людзям 5,8 мiльярда рублёў. Так што сезон нарыхтовак — гэта рэальная магчымасць зарабiць, папоўнiць сямейны бюджэт. Ёсць выпадкi, калi нават жыхары сталiцы бяруць адпачынак i прыязджаюць у сельскую мясцовасць у час нарыхтоўчай кампанii. Такiя людзi ёсць на Асiповiччыне, багатай на лясныя дарункi i чыстай ад радыяцыi.Вясковыя сем'i заўсёды iмкнуцца зарабiць у сезон. У аблспажыўсаюзе расказваюць, што звычайна дарослыя i дзецi ходзяць у лес у ягады i грыбы штодня ранiцай i ўвечары: за дзень на нарыхтоўках яны разам могуць зарабiць да 100 тысяч рублёў! Людзi прапануюць дарункi лясоў на прыдарожных базарах: там цэны вышэйшыя за кааператыўныя прыкладна на 1 тысячу рублёў, i суровыя прадаўцы звычайна не схiльныя рабiць аўтамабiлiстам скiдкi. Аднак большасць, каб не марнаваць часу на чаканне пакупнiкоў, прыносiць сабраныя ягады i грыбы ў крамы, дзе на атрыманыя грошы можна адразу набыць розныя тавары. Цяпер усе прылаўкi на дарогах i рынках спалучаюць цёмна-сiнi чарнiчны колер з яркiм жоўтым. Лiсiчкi — яшчэ адзiн "хiт" цяперашняга часу. Спажыўсаюз прымае лiсiчкi па 3-4 тысячы за кiлаграм. У Магiлёўскай вобласцi нарыхтавана толькi 7 тон: гэта ўдвая меней за леташнi ўзровень, але тут усё будзе залежаць ад надвор'я. У Еўропе ёсць попыт на лiсiчкi, але кан'юнктура рынку змянiлася: цяпер лiсiчкi еўрапейцы прымаюць не замарожанымi, а свежымi. Таму адпраўляць грыбы вялiкi фурамi на Захад стала больш складана. — Але лiсiчку i ўсе грыбы мы будзем прымаць без абмежаванняў, — запэўнiў Аляксандр Уткiн. — Нам трэба забяспечыць сыравiнай i свае беларускiя кансервавыя заводы, якiя прымаюць ад нас салёныя лiсiчкi. З задавальненнем прымаем таксама белыя грыбы, апенькi, грузды. Летась, асаблiва ў Мiнску, вялiкую папулярнасць набылi салёныя глускiя грузды. Замарожаныя грыбы, якiя таксама карыстаюцца папулярнасцю у гаспадынь, вырабляе наш новы цэх у Глуску. У вясковых крамах сёння прымаюць любую гароднiну i садавiну з уласных агародаў. Напрыклад, за агуркi цяпер плацяць 500-600 рублёў за кiлаграм. Іх ужо цяпер пачынаюць салiць у бочках, таму што леташнi сезон выявiў актыўны попыт беларусаў на салёныя агуркi, i спажыўтаварыствы iмкнуцца яго задаволiць i зарабiць на гэтым. Але ўсё ж найбольш актуальныя цяпер для нарыхтоўшчыкаў — парэчкi. За кiлаграм чорных цяпер даюць 1600—2200 рублёў, чырвоных — 1400—1800 рублёў. Таксама прымаюць i вiшнi, кiлаграм якiх каштуе 1200—1600 рублёў. Ягады важны для беларускiх заводаў для вырабу вiна, джэмаў i варэння. — Сёлета, трэба адзначыць, у нас не самы вялiкi ўраджай ягад, — прызнае Аляксандр Уткiн. — А вось крызiс на нарыхтоўчую кампанiю вялiкага ўплыву не мае. У нас, безумоўна, ёсць праблемы са сродкамi, але насельнiцтва iх не адчувае, i гэта самае галоўнае. Крызiс крызiсам, а есцi трэба! Iлона Iванова.
Чтобы разместить новость на сайте или в блоге скопируйте код:
На вашем ресурсе это будет выглядеть так
Чарнiцы i лiсiчкi — актуальныя лiдары сезона нарыхтовак. Iм складаюць канкурэнцыю парэчкi з сельскiх сядзiбаў Пачынаючы з гэтага тыдня, Магiлёўскi
|
|