Ёсць толькi iмгненне. Гербарый часу

07.10.2010 10:51 — Новости Культуры |

Размер текста:: A; A; A

Источник материала:

12 кастрычніка у малой зале Музея сучаснага выяўленчага мастацтва (пр.Незалежнасці, 47) адбудзецца адкрыццё групавой выставы “Гербарый часу”.

У экспазіцыі выстаўкі будуць прадстаўлены творы жывапісу і графікі маладых мастакоў - Таццяны Казанцавай, Ірыны Ясюкайць-Дударавай, Таццяны Грыневіч і Соф`і Піскун.

“Адбіткі, адлюстраванні, спыненыя імгненні – праз гэтыя разнастайныя знакі мы імкнемся замацаваць, пакінуць у сваёй свядомасці нейкія важныя для нас падзеі, успаміны. Мы захоўваем недзе ў скрынках сярод непатрэбных дробязяў нейкія маленькія забаўкі, каменьчыкі, ракавіны, сувеніры, дзённікавыя нататкі, адрасы, запісаныя на шматках паперы, фотаздымкі – і, раптам, калі яны патрапляюць нам ў рукі праз пэўны час праз іх ўспаміны пра нейкія незначныя падзеі -- шчыміць сэрца, яго сціскае смуга пра непаўторныя імгненні ўласнага жыцця. Засушаная кветка, якая пакладзена між старонак кнігі – гэты цень жывой кветкі, але і зараз яна мае сваю дзівосную прыгажосць, дэманструе веліч боскага тварэння і крохкасць, хуткабежнасць жыцця…”.

Таццяна Казанцава скончыла Беларускі ліцэй пры БДАМ у 1997 годзе і Беларускую дзяржаўную акадэмію мастацтваў у 2003 годзе.

Ірына Ясюкайць-Дударава скончыла Мінскае мастацкае вучылішча імя А.К.Глебава у 2000 годзе і Беларускую дзяржаўную акадэмію мастацтваў у 2009 годзе. Стыпендыят Спецыяльнага фонда прэзідэнта Рэспублікі Беларусь па падтрымцы таленавітай моладзі.

Таццяна Грыневіч скончыла Мінскае мастацкае вучылішча імя А.К. Глебава у 1999 годзе і Беларускую дзяржаўную акадэмію мастацтваў у 2005 годзе.

Соф`я Піскун скончыла Рэспубліканскую школу-коледж мастацтваў імя І.В. Ахрэмчыка у 2000 годзе і Беларускую дзяржаўную акадэмію мастацтваў у 2006 годзе.