Лось... з дакументамi

Источник материала:

Работнiкi Навагрудскай мiжрайiнспекцыi аховы жывёльнага i раслiннага свету пры правядзеннi прыродаахоўнага рэйду на палiгоне цвёрдых бытавых адходаў паблiзу вёскi Алёхнавiчы Дзятлаўскага раёна сярод бытавога смецця знайшлi рэшткi лася — галаву, частку шкуры, пярэднiя ногi. І тут жа побач... дакументы на iмя жыхара нашай краiны.

— Гэта былi медыцынская даведка i нейкiя рахункi, — распавёў намеснiк начальнiка iнспекцыi Дзянiс МАСКАЛЬ, якi браў удзел у тым рэйдзе. — Дзятлаўскiм РАУС па гэтым факце заведзена крымiнальная справа, а пракуратура санкцыянавала вобыск у доме ўладальнiка дакументаў. Было ўстаноўлена, што гэты грамадзянiн мае ўскоснае дачыненне да справы. Згодна з устаноўленай iнфармацыяй лось быў траўмаваны аўтамашынай. Пэўныя асобы, якiя ўжо ўстаноўлены, знайшлi яго, прывезлi ў вёску, дзе тушу разабралi i падзялiлi памiж сабой мяса. Цяпер высвятляюцца ўсе акалiчнасцi справы.