У Мінску затрымалі жанчыну, якая захоўвала ў мыліцы наркотыкі

У Мінску затрымалі жанчыну, якая захоўвала ў мыліцы наркотыкі. Як інфармуе Таццяна Абозная, афіцыйная прадстаўніца Цэнтральнага РУУС сталіцы, адбылося гэта на Кахоўскай вуліцы, дзе супрацоўнікі наркакантроля праводзілі аператыўна-вышуковыя мерапрыемствы. Высветлілася, што затрыманая 32-гадовая жанчына раней была асуджаная за незаконны абарот наркотыкаў. Быў праведзены асабісты ператрус, падчас якога і знайшлі схованку ў мыліцы (жанчына яе выкарыстоўвала з-за пашкоджання сцягна), а ў ёй пакецік з невядомым рэчывам. Экспертыза засведчыла, што гэта — асабліва небяспечнае псіхатропнае рэчыва альфа-PVP.

У адносінах жанчыны распачалі крымінальную справу, ёй пагражае да 5 гадоў пазбаўлення волі. Праваахоўнікі правяраюць датычнасць затрыманай да рэалізацыі псіхатропаў на тэрыторыі Цэнтральнага раёна Мінска.