У цэнтральнай раённай бібліятэцы адзначылі 65-годдзе з дня нараджэння Уладзіміра Марука

26 студзеня ў цэнтральнай раённай бібліятэцы імя В.Ф.Праскурава прайшоў вечар памяці “Я пакідаю свой высокі дом…”, прысвечаны 65-годдзю з дня нараджэння паэта-земляка Уладзіміра Марука.

Вядомы класік Уладзімір Караткевіч пісаў: “Жыццё “прыдумаць” нельга. Яго можна толькі ўзнавіць. Такім, якім яно было, з усімі радасцямі і ўсімі стратамі.” Каб узнавіць свамі ўспамінамі жыццё Уладзіміра Марука, у зале бібліятэкі сабраліся родныя, калегі і ўсе тыя, хто ведаў паэта і знаёмы з яго творчасцю.
Сваю першую сустрэчу з будучым паэтам успаміналі былыя супрацоўнікі раённай газеты “Савецкае Палессе” Канстанцін Мохар і Іван Амяляшчык. Канстанцін Канстанцінавіч адзначыў, што першыя вершы, якія малады Валодзя Марук прыносіў у рэдакцыю газеты нават не патрабавалі рэдагавання і ўжо ў той час было зразумела, што гэты хлопец заявіць пра сябе на ўсю моц…

Аб тым, як прайшла сустрэча, чытайце ў нумары «СП» за сераду.