Надвор'е ў панядзелак: 30-градусная спякота і навальніцы

У панядзелак, 29 чэрвеня ў Беларусі чакаецца 30-градусная спякота з кароткачасовымі дажджамі і навальніцамі. Пра гэта паведамляе Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Прагназуецца пераменная воблачнасць. Дажджы будуць кароткачасовымі, месцамі з навальніцамі. Вецер будзе пераменны: ноччу слабы, днём умераны, пры навальніцы парывісты.

Тэмпература паветра ў ноч на 29 чэрвеня — ад +12 да +18 градусаў па Цэльсіі, днём — да 30 цяпла.