“Унука” з роліку “Схавай пашпарт бабулі” адлічылі з універсітэту

Источник материала:

Пра адлічэнне яму паведамілі толькі ўчора. Паводле афіцыйнае версіі, якую пацвердзілі ў дэканаце, прычына адлічэння — пропускі заняткаў. У дэканаце адмовіліся каментаваць, колькі пропускаў маюць іншыя студэнты, ці не з’яўляецца адлічэнне Алега Ануфрыенкі палітычным і дыскрымінацыйным.

Студэнт навучаўся на 5-м курсе на бюджэтным аддзяленні Белдзяржуніверсітэту на факультэце журналістыкі. Усе сесіі здаваў паспяхова, атрымліваў стыпендыю. «Зняцца ў роліку „Схавай пашпарт бабулі“ мяне папрасіў сябра, рэжысёр роліку — Яўген Шапчыц, гэта была ягоная дыпломная праца, і я не бачыў нічога дрэннага ў тым, каб дапамагчы яму», — кажа Алег Ануфрыенка. Былы студэнт мае намер найбліжэйшым часам дамагчыся ад універсітэту адказу, чаму пра адлічэнне яму не паведамілі своечасова, а таксама не выключае, што абскардзіць рашэнне ў судзе.

Сам Алег працуе на Белдзяржтэлерадыёкампаніі, на тэлеканале «Лад». «У кіраўніцтва каналу таксама былі да мяне пытанні, хацелі звольніць, але калектыў мяне «адстаяў», — распавядае журналіст.