Работнікаў культуры скароцяць на чвэрць

Источник материала:

Калегія Міністэрства культуры прыняла рашэнне № 189 ад 25 верасня 2013 года правесці скарачэнне колькасці работнікаў устаноў культуры.

Згодна з дакументам, Інстытуту беларускай культуры прапануецца скараціць 30% супрацоўнікаў, Літаратурным музеям Янкі Купалы і Якуба Коласа - па 25% супрацоўнікаў, Нацыянальнаму мастацкаму музею - 5%.

Астатнім падначаленым Мінкульту ўстановам (за выключэннем прафесарска-выкладчыцкага складу) - на 20%.

Не падпадаюць пад скарачэнне Нацыянальны аркестр сімфанічнай і эстраднай музыкі і Музей гісторыі Вялікай Айчыннай вайны.