Грай, гармонік! Звіні, прыпеўка!. 21.by

Грай, гармонік! Звіні, прыпеўка!

Размер текста:
A
A
A
Грай, гармонік! Звіні, прыпеўка!

 Любоў да сваёй радзімы мае розныя праявы.  Можна адшукаць яе ў песнях, вершах, а найперш яна жыве ў бадзёрых гуках гармоніка, у вясёлых прыпеўках, у традыцыях народа. Напачатку лета ў сёмы раз у вёсцы Парэчча Пінскага раёна ладзілася абласное свята-конкурс “Грай, гармонік! Звіні, прыпеўка!” і абласное свята сямейнай творчасці “Пад дахам дома твайго”. 

Толькі ў сёмы – бо конкурс праводзіцца адзін раз у тры гады. Заснавальнікам яго з’яўляюцца Брэсцкі абласны выканаўчы камітэт, ДУК “Брэсцкі абласны грамадска-культурны цэнтр”, Пінскі райвыканкам. У гэтым свяце-конкурсе прымалі ўдзел і прадстаўнікі нашага раёна. Дыпломам трэцяй ступені ўзнагароджаны ўзорны інструментальны ансамбль “Забавушка” ДУА “Дзіцячая школа мастацтваў г. Івацэвічы” (мастацкі кіраўнік Алег Зыбайла) за развіццё народнага мастацтва, а прыпевачніца Любоў Дзягцярык з Гортальскага СДК у абласным свяце-конкурсе “Грай, гармонік! Звіні, прыпеўка!” – граматай за ўдзел. 

– Сапраўдная творчасць не страчвае сваёй сілы і актуальнасці і сёння, – упэўнены мастацкі кіраўнік “Забавушкі” Алег Зыбайла. – І хоць з кожным годам складаней зацікавіць дзяцей народным мастацтвам, бо бацькі найперш перавагу аддаюць заняткам, якія будуць умацоўваць здароўе іх дзяцей, нашы дзеці становяцца здаровымі душой. Музыка – гэта не гурток, з ёю людзі не нараджаюцца, а ўпэўніць, прывіць любоў да роднай музыкі і развіваць дзіцячыя памкненні да цудоўнага – наша задача. Пасля ўдзелу ў такіх конкурсах і бацькі, і дзеці становяцца іншымі – яны адчуваюць сябе адзіным калектывам.

Ансамблю шэсць гадоў, сёлета яго ўдзельнікі, а гэта 12 хлопчыкаў і дзяўчынак разам з кіраўніком і Людмілай Барысаўнай Зыбайла, пацвер-дзілі званне “ўзорны”. Месяц назад калектыў вярнуўся з адкрытага рэгіянальнага конкурсу “Музычны калейдаскоп”, які праходзіў у Пружанах, з Дып-
ломам першай ступені. У рэпертуары ансамбля як народныя песні, так і класічныя інструментальныя творы, беларускія, украінскія, рускія песні і музычныя кампазіцыі іншых народаў. Яго сённяшнія ўдзельнікі: Насця Пастаялка – баян, Вольга Церашонак – домра (яна ж і салістка), Вераніка Філюціч – домра, Вольга Мінюк – клавішныя, Аляксандра Шарапава – бубен, Дзмітрый Балюк – барабан, Аляксандра Шыпалава – званочак, Аліна Канановіч – гітара, Максім Канановіч – бас-гітара, Кацярына Кот – баян.

– Без калектыўнага мышлення нельга добра выступіць, – упэўнівае Алег Іванавіч. – Мы вучымся слухаць не толькі музыку, а і адзін аднаго, вучымся саступаць адзін аднаму, спачуваць і радавацца адзін за аднаго…
Сціплыя словы, але як глыбока яны гучаць: “радавацца адзін за аднаго, чуць адзін аднаго…” У жыцці кожнага з гэтых дзяцей гэта будзе скарбам, каштоўнасцю, якой яны падзеляцца з іншымі дзецьмі і людзьмі ў дарослым жыцці.  І ў хвіліны, калі будзе здавацца, што маўчаць усе галасы, загаворыць муза ў іх сэрцах і прарвецца ў свет і напоўніць яго радаснымі звонкімі нотамі. Згаджуся, сапраўдная творчасць не 
памрэ.

Ох,  і дала жару на фестывалі  Любоў Дзягцярык са сваімі аўтарскімі прыпеўкамі і  камандай музычнага суправаджэння.  Вось таму нашу “Гарталянку” пазнаюць па  асаблівых рысах песеннага майстэрства  не толькі ў раёне, але  і  ў вобласці. Нездарма ж прыязджалі  здымаць  этнаграфічную праграму “Наперад у мінулае” ў Горталь і Соміна.   Карацей, наша “Гарталянка” – гэта наша родная песня.  І мы вельмі ўдзячны ім за тыя ўсмешкі і тыя слёзы радасці, якія яны нам дораць.

Колькі слоў хочацца сказаць і пра абласное свята-конкурс “Пад дахам дома твайго”. Яно таксама праводзіцца адзін раз у тры гады. Мэта яго – павышэнне сацыяльнага статуса, ролі і значымасці сям’і ў грамадстве, узнаўленне і пераемнасць лепшых нацыянальных сямейных і мастацкіх традыцый, развіццё сямейнай творчасці. І тое, што, здавалася, аджыло і павінна сысці ў нябыт, сёння расквечваецца новымі фарбамі, і гля-дзіш, паціху стане набіраць новую сілу і моц.

У абласным свяце сямейнай творчасці “Пад дахам дома твайго” Дыпломам другой ступені ўзнагароджана сям’я Варанковых-Мігно з Аброўскага ЦКіНТ, якая здзівіла аброўскім караваем, а Дыпломам трэцяй ступені – сямейны калектыў Любішчыцкага СДК у складзе Святланы Ятчэні, Святланы Каляды і Галіны Саладухі, якія ўдала выступілі з інсцэніроўкай па творы Г. Уласенка “Знайсці вярблюда”. Граматай за
ўдзел у свяце ўзнагароджана сям’я Казімірчык з Квасевіцкага СДК. Сям’я з дзвюх нявестак Алы Віктараўны, Наталлі Мікалаеўны і свекрыві Сцепаніды Іванаўны Казімірчык прыгатавалі кныш (страву з тварагом), блінцы капусныя, вергуны і пампухі з каралікамі – усё па рэцэптах свекрыві. 

Хочацца адзначыць, што гэтыя цудоўныя жанчыны не толькі сваячкі, а яшчэ  і ўдзельніцы аматарскага аб’яднання “Мініяцюра”.  Нецярпліва  чакала  іх дамоў  Святлана Шыдлоўская, таксама ўдзельніца   цудоўнага калектыва.  Яшчэ  не прайшло  і паўтара месяца з таго часу, як  удзельніцы
“Мініяцюры” прывезлі з абласнога фестывалю народнай творчасці “Не стареют душой ветераны” Дыплом  другой ступені.  Дэвіз удзельніц  калектыву: “Юмор – это спасательный круг на волнах жизни”. І таму яны -  авангардныя,  актыўныя, творчыя,  захопленыя ідэяй творчасці,  для якіх пад сілу  ўвасабленне розных прыёмаў тэатралізацыі: ад пантамімы да класічнага твора. І кожная з іх - аўтар, кожная з іх – талент,  а  аб’ядноўвае іх любоў  да гледача і тэатра.

Далучэнне чалавека да свету цудоўнага, вяртанне да каранёў, захаванне спадчыны – гэтыя задачы сёння, як ніколі, актуальныя. І дзякуй Богу, людзі, у якіх гарыць душа, не перавяліся на нашай зямлі.
Валянціна БОБРЫК.
Фота з архіва калектыву. 
 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
 Напачатку лета ў сёмы раз у вёсцы Парэчча Пінскага раёна ладзілася абласное свята-конкурс “Грай, гармонік! Звіні, прыпеўка!” і абласное свята сямейнай творчасці...
 
 
 


Архив (Новости Культуры)

21.by в социальных сетях

Свежие газеты

13.08.2018
Mir24.TV Belarus
Івацэвіцкі веснік
Кобринский вестник
Навiны Палесся
Полесская правда
Пинский Вестник
Новости Докшицы
Днепровская правда (Дуюровно)
Патриот (Ушачи)
Клiч Радзiмы
Газета Авангард
Новости Ветки
Лоевский край
Чырвоны Кастрычнiк
Петрыкаускiя навiны
Хойницкiя навiны
Чачэрскi веснiк
Новости Волковыска
Вороновская газета
Ивьевский край
Полымя
Lida.Info
Заря над Неманам
Свислочская газета
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Soligorsk News
Прамень
Маяк Преднепровья
Радзiма
Голас Касцюкоушчыны
Кричевская жизнь
Новости Хотимска
Новы дзень (Жлобин)
Святло кастрычнiка (Мстиславль)
14.08.2018
Mir24.TV Belarus
Івацэвіцкі веснік
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Новости Полоцка
Патриот (Ушачи)
Чырвоны прамень
Газета Авангард
Новости Ветки
Лоевский край
Чырвоны Кастрычнiк
Петрыкаускiя навiны
Чачэрскi веснiк
Новости Волковыска
Вороновская газета
Ивьевский край
Полымя
Lida.Info
Лидская газета
Заря над Неманам
Свислочская газета
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Прамень
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Кричевская жизнь
Асiповiцкi край
Новости Хотимска
Новы дзень (Жлобин)
Святло кастрычнiка (Мстиславль)


Партнёры

© 2004-2018 21.by
Яндекс.Метрика