Электронные рецепты и медкарты: как это работает в Ушачской ЦРБ?. 21.by

Электронные рецепты и медкарты: как это работает в Ушачской ЦРБ?

10.01.2019 — Новости Здоровья |  
Размер текста:
A
A
A

Источник материала:

Актыўна ўкараняюцца сучасныя тэхналогіі ў медыцынскай сферы. Так, заказаць талон на прыём да ўрача можна не толькі ў акенцы рэгістратуры паліклінікі, а і ля манітора камп’ютара. Перавагі гэтай функцыі ўжо паспелі ацаніць многія ўшачане.

З нядаўняга часу раённая паліклініка пачала выдаваць сваім пацыентам электронныя рэцэпты. На выгляд яны нагадваюць банкаўскія плацежныя ці дысконтныя карты. На іх указаны спецыяльны штрых-код, пасля счытвання якога на камп’ютар у аптэцы выводзіцца інфармацыя аб прэпаратах, прызначаных чалавеку. Гэта спрашчае і паскарае водпуск лекаў. Але перш чым выдаць такі рэцэпт, у пацыента бяруць пісьмовую згоду, што яго асабістыя даныя будуць занесены ў сістэму.

– Важным момантам з’яўляецца зваротная сувязь, – кажа намеснік галоўнага ўрача па медыцынскім абслугоўванні насельніцтва Ушацкай ЦРБ Н.В.Дрозд. – Дзякуючы электроннай сістэме ўрач можа праверыць, купіў пацыент выпісаныя лекі ці не. Пакуль жа да электроннага рэцэпту прыкладаецца традыцыйны папяровы бланк, які прымаецца ва ўсіх аптэках.

Ва Ушацкай ЦРБ аднымі з першых у вобласці ўкаранілі таксама электронныя амбулаторныя карты. Як патлумачыла Наталія Васільеўна, гэты віртуальны дакумент захоўваецца на абароненым серверы, база даных пастаянна абнаўляецца. З такой картай працуюць медработнікі паліклінікі, стацыянара, амбулаторый. Дастаткова ўвесці даныя пацыента ў радку пошуку – і на маніторы камп’ютара адкрыецца яго персанальная старонка. Адным клікам мышкі ўрач можа паглядзець вынікі лабараторнага даследавання, УГД, ЭКГ, флюараграфіі і іншае. А пры запаўненні ім электроннай карты з гэтымі запісамі ў рэальным часе можа азнаёміцца любы іншы медык. Зрэшты, змяшчаюцца ў картцы даныя аб працэдурах, праведзеных не толькі ва Ушачах – не паспееце вярнуцца з абследавання, скажам, у дыягнастычным цэнтры Віцебска, як яго вынікі ўжо будуць у сістэме.

Безумоўна, адзначыла Н.В. Дрозд, у электроннага дакумента шмат плюсаў: ён не згубіцца, яго не трэба насіць ад аднаго ўрача да другога, няма неабходнасці прыляпляць дадатковыя лісты, бланкі з вынікамі аналізаў, з данымі могуць азнаёміцца адначасова некалькі спецыялістаў. Але ж пакуль мы па-ранейшаму бачым на сталах у медыкаў стосы аб’ёмных папяровых карт. Каб новаўвядзенне запрацавала ў поўнай меры, трэба завяршыць камп’ютарызацыю ва ўсіх установах аховы здароўя краіны з устаноўкай неабходных праграм і падключэннем да адзінай сеткі.

Кацярына КАВАЛЕЎСКАЯ.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Актыўна ўкараняюцца сучасныя тэхналогіі ў медыцынскай сферы. Так, заказаць талон на прыём да ўрача можна не толькі ў акенцы рэгістратуры паліклінікі, а і ля...
 
 
 

РЕКЛАМА

Архив (Новости Здоровья)

РЕКЛАМА


Яндекс.Метрика