Испытание на прочность. Как молодой лесничий Глыбочанского лесничества Артур Артюх смог изменить ситуацию в коллективе в лучшую сторону. 21.by

Испытание на прочность. Как молодой лесничий Глыбочанского лесничества Артур Артюх смог изменить ситуацию в коллективе в лучшую сторону

Размер текста:
A
A
A

Нягледзячы на малады ўзрост, гэты хлопец ужо паспеў прайсці шлях ад радавога лесніка да ляснічага. За што б ні браўся Артур Пятровіч Арцюх, стараецца выкладвацца па максімуме, каб не было сорамна за зробленае. Вось і ва Ушацкім лясгасе ўпэўнена зазначаюць, што не пралічыліся, даверыўшы яму паўгода назад Глыбачанскае лясніцтва. У папярэдні час яно было далёка не на перадавых пазіцыях: частая змена кіраўнікоў, няпросты ўчастак – адпаведна, і не вельмі баявым быў настрой працаўнікоў. Аднак сёлета сітуацыя прыкметна змянілася ў лепшы бок.

– У сваім кабінеце практычна не знаходжуся, часцей у лесе, каб на месцы даручыць, высветліць, пракантраляваць, – пачынае размову Артур Пятровіч, запрашаючы ў памяшканне лясніцтва, і з першых хвілін знаёмства выклікае прыхільнасць да сябе адкрытасцю і веданнем даверанай справы.

Ён адносіцца да катэгорыі тых, пра каго кажуць: на сваім месцы. Хлопец доўга не вагаўся, якую прафесію выбраць: з дзяцінства любіў усё, што звязана з прыродай, да таго ж у лясной гаспадарцы працаваў бацька. І калі ў 2007 годзе Артур пераступіў парог Кубліцкага лясніцтва ў якасці працаўніка, толькі пераканаўся ў правільнасці выбару. Без адрыву ад вытворчасці завочна скончыў Полацкі лясны каледж, атрымаўшы спецыяльнасць тэхніка лясной гаспадаркі, а з кубліцкімі пушчамі развітваўся толькі на час армейскай службы.Испытание на прочность. Как молодой лесничий Глыбочанского лесничества Артур Артюх смог изменить ситуацию в коллективе в лучшую сторону

Неўзабаве пасля яе Артур Пятровіч заняў пасаду майстра, “набіў руку” і стаў памочнікам ляснічага, а пры неабходнасці мог і падмяніць кіраўніка. Калі ў красавіку гэтага года яму прапанавалі ўзначаліць Глыбачанскае лясніцтва, вырашыў паспрабаваць. Хаця зараз шчыра прызнаецца, што для яго гэта сапраўднае выпрабаванне на трываласць.

Калі ў родным кубліцкім баку ведаў літаральна кожны куточак, то тутэйшыя землі былі зусім незнаёмы. Новы і калектыў, які сустрэў з насцярожанасцю, далёкія ад ідэальных былі і паказчыкі. Наладзіць кантакт аказалася не так і проста. Пачаў з вытворчай дысцыпліны і дзякуючы сваёй прынцыповасці і строгасці знаходзіў патрэбныя аргументы ў канфліктных сітуацыях. Асвоіцца дапамагала найперш бухгалтар, яна ж і майстар Наталля Шарамет. Трэба сказаць, што ў той ці іншай сітуацыі малады ляснічы не саромеецца звярнуцца за парадай да калег, у першую чаргу да свайго настаўніка – кіраўніка Кубліцкага лясніцтва Вадзіма Васільевіча Кальчэўскага.

Падпарадкаваныя А.Арцюху і яго падначаленым плошчы займаюць 12530 гектараў: гэта не толькі глыбачанскія, а і вяркудскія, дубраўскія землі. З пастаўленымі задачамі спраўляецца калектыў з 18 чалавек. Не займаць вопыту вальшчыку лесу Аляксандру Каліноўскаму, выдатна спраўляюцца са сваімі абавязкамі леснікі Алег Макаранка, Мікалай Ягадка і іншыя.

Асноўным накірункам дзейнасці глыбачанскіх лесаводаў з’яўляецца нарыхтоўка драўніны. У апошні час яны паспяхова спраўляюцца з даведзенымі планамі ў 300 кубоў. Ёсць у работнікаў лесу мноства іншых немалаважных спраў. У гэтым годзе, напрыклад, ужо пад кіраўніцтвам А.Арцюха, пасаджана 34 гектары хвойнікаў каля Павулля і возера Крывое. Шмат увагі ўдзяляецца ахове і абароне лесу як ад шкоднікаў, так і несумленных грамадзян. На дапамогу лесаводам тут прыходзяць сучасныя тэхналогіі – фоталавушкі і камеры відэаназірання. Сёлета не было пажараў, а значыць, на высокім узроўні прафілактычныя мерапрыемствы. Да таго ж, Глыбачанскае лясніцтва – адзінае, дзе “гадуюць пчол”. Пасека з сотняй вулляў – зона адказнасці Аляксандра Іванковіча і Сямёна Пятніцы, якія ў гэтым сезоне нарыхтавалі амаль 1500 кілаграмаў мёду. Летам работнікі лясніцтва ўпершыню навязалі бярозавых венікаў, якія ўжо зараз гатовы рэалізаваць парыльшчыкам.

Асобным пунктам стаіць навядзенне парадку на зямлі. Калектыў не толькі ў належным стане падтрымлівае сваю тэрыторыю, а і ўносіць значны ўклад у барацьбу з баршчэўнікам: вясной з дапамогай тэхнікі і ўручную скошана больш ста гектараў захопніка зямель.

Ставіць высокую планку ў рабоце – прынцып А.Арцюха, не раз яго дзейнасць ужо адзначалася як лясгасам, так і галаўным прадпрыемствам. І няма сумненняў, што яшчэ многія працоўныя дасягненні ў яго наперадзе.

Вольга КАМАРКОВА.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Нягледзячы на малады ўзрост, гэты хлопец ужо паспеў прайсці шлях ад радавога лесніка да ляснічага. За што б ні браўся Артур Пятровіч Арцюх, стараецца выкладвацца...
 
 
 


Архив (Разное)

21.by в социальных сетях

Свежие газеты

25.03.2019
Mir24.TV Belarus
Івацэвіцкі веснік
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Новости Докшицы
Голас Сененшчыны
Патриот (Ушачи)
Чырвоны прамень
Клiч Радзiмы
Герой працы
Газета Авангард
Калiнкавiцкiя навiны
Новости Волковыска
Вороновская газета
Полымя
Lida.Info
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Маяк Преднепровья
Горецкий вестник
Савецкая вёска
Кировец
Голас Касцюкоушчыны
Кричевская жизнь
Асiповiцкi край
Новости Хотимска
Святло кастрычнiка (Мстиславль)
26.03.2019
Mir24.TV Belarus
Івацэвіцкі веснік
Навiны Палесся
Полесская правда
Пинский Вестник
Двинская правда (Верхнедвинск)
Новости Докшицы
Голас Сененшчыны
Патриот (Ушачи)
Чырвоны прамень
Клiч Радзiмы
Герой працы
Газета Авангард
Калiнкавiцкiя навiны
Новости Волковыска
Вороновская газета
Полымя
Lida.Info
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Soligorsk News
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Асiповiцкi край
Новости Хотимска
Святло кастрычнiка (Мстиславль)

© 2004-2018 21.by
Яндекс.Метрика