Георгiй Кузняцоў: «Незакансерваванае незавершанае будаўнiцтва аб’ектам нерухомасцi не з’яўляецца»

Источник материала:

У прыватнасцi, згодна з гэтым указам, з 1 студзеня 2007 года павiнна адбыцца поўная забарона продажу пустых зямельных участкаў. Ужо сёння ў рэдакцыю патэлефанавала некалькi жыхароў Мiнскай вобласцi з пытаннямi на гэту тэму. Нашых чытачоў цiкавiць лёс зямельных участкаў, дзе маецца незавершанае будаўнiцтва. Такiх участкаў каля буйных гарадоў, асаблiва вакол Мiнска, сапраўды шмат. Калi незавершанае будаўнiцтва iснуе ўжо даволi працяглы час, то пад якi статус яно падпадае: як пусты зямельны ўчастак, або як цэльны аб’ект нерухомай маёмасцi?

На гэты конт Георгiй Кузняцоў адзначыў, што калi незавершанае будаўнiцтва закансервавана, то яно можа быць зарэгiстравана ў рэгiстры ў якасцi аб’екта нерухомасцi. Незакансерваванае незавершанае будаўнiцтва не мае юрыдычнага статусу аб’екта i лiчыцца на пустым зямельным участку грудай будматэрыялаў. Такiм чынам, незакансерваванае незавершанае будаўнiцтва квалiфiкуецца спецыялiстамi як пусты зямельны ўчастак, i з пачатку 2007 года на другасным рынку зямлi прыватнымi асобамi прадавацца ўжо не будзе.

Паводле слоў Георгiя Кузняцова, рыхтуецца яшчэ адзiн указ кiраўнiка дзяржавы, якi будзе рэгламентаваць пытаннi ўзаемадзеяння органаў улады i ўладальнiкаў цi ўласнiкаў зямельных участкаў, дзе размешчана незавершанае будаўнiцтва. У праекце гэтага дакумента прадугледжана, што ў выпадку працяглага даўгабуду мясцовыя органы ўлады пачнуць афiцыйна папярэджваць гаспадароў такiх зямельных участкаў аб неабходнасцi ў вызначаны тэрмiн завяршыць пачатае будаўнiцтва. Калi i ў гэты тэрмiн будаўнiцтва не будзе завершана, то органы ўлады прымаюць рашэнне аб адбiраннi зямельнага ўчастка i аб’екта незавершанага будаўнiцтва. Потым зямельны ўчастак i аб’ект незавершанага будаўнiцтва будуць выстаўлены на аўкцыён. Папярэдне незавершанае будаўнiцтва будзе ацэнена спецыялiстамi.

Пасля продажу аб’екта на аўкцыёне ўласнiку аддадуць выручаныя грошы за мiнусам выдаткаў на правядзенне аўкцыёну, ацэнку маёмасцi i зямельнага ўчастка. Рашэнне аб незавершаным будаўнiцтве i прыватызаваных зямельных участках будзе прымаць суд. У iншых выпадках рашэнне па зямельных участках прымаюць мясцовыя органы ўлады.

Кiраўнiк Камзема адзначыў, што закансерваваць незавершанае будаўнiцтва такiм чынам, каб яно потым было прызнана аб’ектам нерухомасцi, даволi складана. Спецыялiсты лiчаць, што часам такi аб’ект танней дабудаваць, чым правесцi поўную яго кансервацыю.

Георгiй Кузняцоў агучыў яшчэ адну праблему па аптымiзацыi зямель. Так, летась у Мiнскiм раёне спецыялiсты землеўпарадкавальнай службы вызначылi каля тысячы зямельных участкаў, якiя былi прадастаўлены грамадзянам для будаўнiцтва i абслугоўвання жылых дамоў, але па мэтаваму прызначэнню не выкарыстоўвалiся.

У сувязi з гэтым 300 такiх зямельных участкаў былi пераразмеркаваны, яшчэ 300 надзелаў вернута былым землеўладальнiкам-арганiзацыям, а 400 участкаў чакаюць свайго лёсу. Вырашаць падобныя складаныя зямельныя рэбусы пасля прыняцця ўказа № 58 стане значна прасцей, лiчыць Георгiй Кузняцоў.