Колькi патрэбна вады?

Источник материала:

Ёсць раслiны, якiм неабходны частыя палiвы, да такiх патрабавальных да вiльгацi раслiн адносяцца прадстаўнiкi сямейства капусных, зяленiўныя культуры (кроп, сельдэрэй, цыбуля на пяро, салата), агуркi. У iх слаба развiтыя каранi i ахова лiсця ад выпарэння. Усе цыбульныя раслiны маюць слабыя каранi, яны знаходзяцца ў верхнiм слоі глебы i дрэнна здабываюць ваду, але расходуюць яе эканомна. А вось у таматаў добра развiтыя каранi, i ваду таматы таксама расходуюць эканомна. Перац любiць, каб зямля ўвесь час была вiльготная. Моркве i буракам да прарастання насення неабходны палiвы. А пасля з’яўлення ўсходаў на 10—15 дзён палiвы трэба спынiць. Гэта дазваляе караням глыбей увайсцi ў зямлю. У далейшым у час росту патрэбны раўнамерныя i рэгулярныя палiвы. Трэба вельмi ўважлiва сачыць за насычэннем вiльгаццю глебы, бо ў сухой глебе караняплоды вырастуць грубымi i дравянiстымi. Засухаўстойлiвасцю адрознiваюцца толькi гарбуз, кавун i дыня.

А колькi вады неабходна кустам? Напрыклад, чорныя парэчкi патрабавальныя да вiльгацi глебы i паветра. У сярэднiм праводзяць 4—5 палiваў чорных парэчак: у перыяд фармiравання завязяў — 1 палiў, выспявання ягад — 1—2 палiвы, пасля збору ўраджаю — 1—2 палiвы. Глебу прамочваюць да глыбiнi 50 см, гэта 40—50 лiтраў на 1 кв. метр.

Чырвоныя парэчкi, у адрозненне ад чорных, больш устойлiвыя да недахопу вiльгацi ў глебе i менш хваравiта пераносяць павышаную сухасць паветра. Большая патрэбнасць у вiльгацi ў iх у перыяд росту парасткаў, фармiравання ягад. Нормы палiву такiя самыя, як i ў чорных парэчак.

Агрэст мае глыбокапранiкальную каранёвую сiстэму, таму ён лепш, чым парэчкi мiрыцца з часовым недахопам вiльгацi. Аднак ён добра адклiкаецца на палiў павышэннем ураджаю. У лiпенi-жнiўнi недахоп вiльгацi адмоўна ўплывае на падрыхтоўку раслiн да зiмы, бо знiжае зiмаўстойлiвасць, i на закладку пладовых пупышак ураджаю будучага года. Глыбiня прамочвання — 50 см, норма палiву 40—50 л на 1 кв. метр.