У тайнiках «капальнікаў» — 36 кг «смерцi»
Iгар ГРЫШЫН
У ходзе праведзенай спецаперацыi супрацоўнiкам Галоўнага ўпраўлення па барацьбе з арганiзаванай злачыннасцю i карупцыяй МУС краiны ўдалося выйсцi на след так званых «чорных капальнiкаў».
У тайнiках-схованках капальнiкаў, што былi абсталяваны ў лясах Вiцебшчыны i Мiншчыны, знойдзена 229 адзiнак боепрыпасаў i выбуховых рэчываў часоў Вялiкай Айчыннай вайны. У тратылавым эквiваленце гэта склала больш як 36 кiлаграмаў. Сярод канфiскаваных боепрыпасаў — снарады, мiны, а таксама ўзрывальнiкi да iх. Небяспечныя знаходкi знiшчаны. КАНТРАБАНДЫСТ ЗНIК ЗА МЯЖОЙ У 20 метрах ад дзяржаўнай гранiцы Беларусi праваахоўнiкi затрымалi «Мерседэс-209Д», а вось вадзiцелю аўтамабiля ўдалося ўцячы на тэрыторыю Украiны. Здарэнне адбылося ля прыгранiчнай паласы паблiзу вёскi Перавiсь Маларыцкага раёна. Супрацоўнiкi мiжраённага аддзела па барацьбе з эканамiчнай злачыннасцю УУС Брэсцкага аблвыканкама i пагранiчнай камендатуры адной з вайсковых часцей затрымалi «Мерседэс», якiм кiраваў неўстаноўлены вадзiцель. Убачыўшы, што справа «пахне газай», невядомы, кiнуўшы машыну, збег на ўкраiнскую тэрыторыю. Яно i зразумела: у аўтамабiлi было знойдзена 8 рулонаў тканiны, 259 бабiн швейных нiтак, 2400 адзiнак мэблевай фурнiтуры, 100 скрынь з пiратэхнiчнымi вырабамi на агульную суму 58 мiльёнаў 869 тысяч рублёў. Тавар i аўто канфiскаваны, а асоба ўцекача ўстанаўлiваецца. 4 «ПАЖАРНIКI» ХАВАЛIСЯ Ў РАСII Чатыры актыўныя ўдзельнiкi банды «пажарнiкi», якiя на працягу 1992—2003 гадоў арудавалi на тэрыторыi Гомельскай вобласцi, затрыманы ў Маскве i Бранскай вобласцi. Як паведамiлi ва ўпраўленнi iнфармацыi i грамадскiх сувязяў МУС краiны, знiклыя злачынцы жылi пад чужымi пашпартамi, а аперацыя па iх затрыманню прайшла паспяхова, дзякуючы сумесным намаганням беларускiх i расiйскiх праваахоўнiкаў. Як вядома, на рахунку банды больш за 100 цяжкiх i асаблiва цяжкiх злачынстваў. Зараз 38 яе ўдзельнiкаў знаходзяцца ў Гомельскiм следчым iзалятары. Трэба меркаваць, што затрыманыя ў РФ чацвёра крымiнальнiкаў у хуткiм часе далучацца да сваiх «калег»: вырашаецца пытанне аб iх экстрадыцыi ў Беларусь, дзе яны будуць прыцягнуты да адказнасцi па шэрагу артыкулаў КК, у прыватнасцi, «Вымагальнiцтва», «Згвалтаванне», «Стварэнне злачыннай арганiзацыi або ўдзел у ёй» i iнш. ФАЛЬШЫВЫ «СКАРБ» Грошы, якiя, хутчэй за ўсё, збiрала на «чорны дзень» 91-гадовая вясковая бабулька, аказалiся падробкамi. Фальшыўкi выявiлi ў Баранавiчах у пункце абмену валюты аднаго з банкаў, куды завiтала 72-гадовая пенсiянерка, каб збыць дзве купюры вартасцю па 100 долараў. Старая, якая трапiла ў непрыемную сiтуацыю, патлумачыла праваахоўнiкам, што знайшла гэтыя купюры ў рэчах сваёй сваячкi з вёскi Грабавец, якая летась памерла. Застаецца толькi здагадвацца, якiм чынам да 91-гадовай нябожчыцы трапiла несапраўдная «зелень».
Чтобы разместить новость на сайте или в блоге скопируйте код:
На вашем ресурсе это будет выглядеть так
У ходзе праведзенай спецаперацыi супрацоўнiкам Галоўнага ўпраўлення па барацьбе з арганiзаванай злачыннасцю i карупцыяй МУС краiны ўдалося выйсцi на с
|
|