Суд можа поўнасцю вызвалiць грамадзянiна ад выплаты судовых расходаў у даход дзяржавы

Источник материала:

Гэтым нарматыўным актам кiраўнiка дзяржавы замацоўваецца магчымасць вызвалення ў адпаведнасцi з Грамадзянскiм працэсуальным кодэксам Рэспублiкi Беларусь грамадзян, якiя не ажыццяўляюць прадпрымальнiцкую дзейнасць, ад выплаты дзяржаўнай пошлiны пры разглядзе грамадзянскiх спраў. Такiм чынам, суд або суддзя, зыходзячы з маёмаснага становiшча грамадзянiна, будзе мець права поўнасцю або часткова вызвалiць яго ад выплаты судовых расходаў у даход дзяржавы, а пракурор, якi мае права прынясення нагляднага пратэсту, — ад дзяржаўнай пошлiны пры падачы нагляднай скаргi.

Дакументам таксама вызначаны паўнамоцтвы дзяржаўных органаў па прыняццю некаторых рашэнняў у эканамiчнай сферы.

Так, з 1 чэрвеня стаўкi мытных пошлiн, за выключэннем зацверджаных прэзiдэнтам, будуць устанаўлiвацца (змяняцца) не кiраўнiком дзяржавы, а Саветам Мiнiстраў у мэтах выканання мiжнародных дагавораў Рэспублiкi Беларусь, у iншых выпадках — Саветам Мiнiстраў па ўзгадненню з прэзiдэнтам.

Перадача ўраду такiх паўнамоцтваў звязана з механiзмам унiфiкацыi тарыфнага рэгулявання ў рамках Саюзнай дзяржавы i Мытнага саюза i дасць магчымасць аператыўна змяняць мытны тарыф. За прэзiдэнтам захоўваецца права ўстанаўлiваць стаўкi мытных пошлiн у памеры 0 (нуль) працэнтаў.

АЛЯКСАНДР ЛУКАШЭНКА ПАВIНШАВАЎ НАРОДНУЮ АРТЫСТКУ БЕЛАРУСI ЛЮДМIЛУ БРЖАЗОЎСКУЮ З ЮБIЛЕЕМ

«Ваша творчасць з’яўляецца адным з найвышэйшых дасягненняў айчыннага балета. Выкананыя Вамi партыi ў спектаклях класiчнага i сучаснага рэпертуару ўвайшлi ў залаты фонд нацыянальнай культуры», — сказана ў вiншаваннi.

МIНIСТР ЗАМЕЖНЫХ СПРАЎ РАСII СЯРГЕЙ ЛАЎРОЎ УЗНАГАРОДЖАНЫ ОРДЭНАМ ДРУЖБЫ НАРОДАЎ

Мiнiстр замежных спраў Расiйскай Федэрацыi Сяргей Лаўроў узнагароджаны ордэнам Дружбы народаў. Гэтай узнагароды кiраўнiк расiйскага знешнепалiтычнага ведамства ўдастоены за значны ўклад ва ўмацаванне дружалюбных адносiнаў i супрацоўнiцтва памiж Беларуссю i Расiяй, а таксама ў будаўнiцтва Саюзнай дзяржавы.

Адпаведны ўказ 2 чэрвеня падпiсаў прэзiдэнт Беларусi Аляксандр Лукашэнка.

Прэс-служба Прэзiдэнта Рэспублiкi Беларусь.