Выступленне старшынi Пастаяннай камiсii Савета Рэспублiкi Нацыянальнага сходу Рэспублiкi Беларусь п

Источник материала:

Падчас штогадовых парламенцкiх слуханняў у ААН прадстаўнiкi парламентаў з усяго свету абмеркавалi праблемы эфектыўнага кiравання i барацьбы з карупцыяй, а таксама шляхi павышэння ўцягнення парламентарыяў у дзейнасць ААН.

Паважаны спадар старшыня, паважаныя дэлегаты!

У Рэспублiцы Беларусь пытанням барацьбы з карупцыяй i яе папярэджанню ўдзяляецца вялiкая ўвага. Мы цудоўна разумеем, якую шкоду прыносiць карупцыя як унутры краiны, так i ў мiжнародных адносiнах. Таму ў Рэспублiцы Беларусь прадпрыняты шэраг мераў па стварэнню антыкарупцыйнай прававой базы.

Беларусь ратыфiкавала шэраг мiжнародных канвенцый у гэтай галiне: Канвенцыю ААН па барацьбе з карупцыяй, Канвенцыю ААН супраць транснацыянальнай арганiзаванай злачыннасцi, Канвенцыi Савета Еўропы аб грамадзянска-прававой i крымiнальнай адказнасцi за карупцыю.

У 2006 годзе ў Беларусi прыняты Закон «Аб барацьбе з карупцыяй».

Закон устанаўлiвае прававыя асновы дзяржаўнай палiтыкi, вызначае асноўныя задачы i прынцыпы барацьбы з карупцыяй i яе папярэджання, а таксама сiстэму дзяржаўных органаў, якiя ажыццяўляюць барацьбу з карупцыйнымi правапарушэннямi. Закон замацоўвае комплекс мераў, накiраваных на папярэджанне карупцыi, прадугледжвае пэўныя абмежаваннi правоў дзяржаўных службовых асоб, дае размежаваннi памiж правапарушэннямi, якiя ствараюць умовы для карупцыi, i карупцыйнымi правапарушэннямi, устанаўлiвае меры па лiквiдацыi iх наступстваў.

У Беларусi дзейнiчае Дзяржаўная праграма па ўмацаванню барацьбы з карупцыяй на 2002—2006 гады, зацверджаная Указам Прэзiдэнта.

Барацьба з карупцыяй ажыццяўляецца пры дапамозе комплекснага прымянення ўстаноўленых законам мераў. Яе ажыццяўляюць органы пракуратуры, унутраных спраў i дзяржаўнай бяспекi.

Спадар старшыня, iснуе яшчэ адзiн аспект карупцыi — гэта так званая палiтычная карупцыя. Калi ва ўгоду нейкай краiны або групы краiн службовыя асобы мiжнародных арганiзацый, у тым лiку мiжпарламенцкiх, прадпрымаюць дзеяннi па нанясенню ўрону палiтычным i эканамiчным iнтарэсам дзяржаў — членаў гэтых мiжнародных арганiзацый.

Напрыклад, па надуманых, часта чыста паклёпнiцкiх падставах, арганiзоўваюцца якiя-небудзь разборы ў рознага роду камiтэтах i камiсiях па абвiнавачанню суверэннай краiны ў якiх-небудзь дзеяннях. Часцей за ўсё вылучаюцца надуманыя, несправядлiвыя прэтэнзii ў галiне правоў чалавека з наступным штампаваннем на пленарных пасяджэннях праектаў рашэнняў гэтых жа камiтэтаў i камiсiй. Ва ўгоду палiтычна ангажыраваным, палiтычна карумпiраваным чыноўнiкам падрыхтоўваюцца патрэбныя гэтым чыноўнiкам праекты рашэнняў. Чыноўнiкi, у сваю чаргу, выкарыстоўваючы службовае становiшча, нярэдка парушаючы рэгламент або выкарыстоўваючы яго недахопы, навязваюць удзельнiкам пленарных пасяджэнняў i асамблей, якiя ў пераважнай большасцi зусiм не ў курсе сапраўднага становiшча, галасаванне па гэтых рэзалюцыях.

Гэта ж можна сказаць i аб кадравай палiтыцы. У якасцi прыкладу карумпiраванасцi можна назваць расстаноўку на ключавых пастах «патрэбных» палiтычна карумпiраваным чыноўнiкам i iх заказчыкам людзей, блакiраванне кандыдатур прадстаўнiкоў няўгодных краiн.

Аб гэтым часта сарамлiва замоўчваецца, але я думаю, што такое паняцце, як палiтычная карупцыя, павiнна быць у полi нашага зроку.

Менавiта палiтычная карупцыя прыводзiць да палiтыкi двайных стандартаў. Яна прычыняе ўрон не толькi палiтычным, але i эканамiчным iнтарэсам краiн, садзейнiчае з’яўленню ў чыноўнiкаў унутры дзяржаў думкi, што ў пэўных сiтуацыях карупцыя можа iснаваць, таму што дурны прыклад — заразлiвы.