Прэзiдэнт паставiў задачу па вынiках 2006 года дасягнуць максiмальных вынiкаў у рабоце эканомiкi

Источник материала:

Выконваецца даручэнне кiраўнiка дзяржавы па павелiчэнню экспарту беларускай прадукцыi. За студзень—лiстапад 2006 года паказчык дасягнуў $16,5 млрд. i павялiчыўся ў параўнаннi з адпаведным перыядам мiнулага года на 24,5 працэнта. Знешнегандлёвы тавараабарот перасягнуў $33 млрд. i вырас амаль на 30 працэнтаў. Па вынiках года з улiкам гандлю паслугамi паказчык можа дасягнуць рэкорднага ўзроўню $37 млрд.

Мiж тым сальда гандлёвага балансу застаецца адмоўным — па вынiках 11 месяцаў яно склала каля $800 млн. Ва ўрадзе па даручэнню Прэзiдэнта распрацоўваецца праграма скарачэння адмоўнага сальда ў 2007 годзе. Гэта стане магчыма пры ўмове выверанай цэнавай палiтыкi ў энергетычнай сферы, падкрэслiў прэм’ер-мiнiстр.

У цэлым за 11 месяцаў у эканомiку Беларусi было iнвеставана больш як $8 млрд. Больш як 65 працэнтаў прыбытку прадпрыемствы накiроўваюць на ўласнае развiццё. У агульным аб’ёме выпушчанай прадукцыi больш як 13,5 працэнта склалi новыя тавары (задача — дасягнуць i перасягнуць 15 працэнтаў).

Кiраўнiк дзяржавы даручыў ураду актывiзаваць iнавацыйную дзейнасць па рэканструкцыi i перааснашчэнню беларускiх прадпрыемстваў.

Важным складальнiкам у iнавацыйным развiццi краiны з’яўляецца будаўнiцтва — у 2006 годзе, як плануецца, будзе здадзена ў эксплуатацыю больш як 4 млн. кв.м жылля. З iх каля 1,5 млн. кв.м будзе ў вёсцы. Сярэдняя заработная плата ў лiстападзе склала Br671 тыс. За справаздачны перыяд былi прыняты важныя рашэннi ў сацыяльнай сферы: павышаны пенсii, павялiчаны памер зарплат урачам i настаўнiкам, прынята рашэнне аб павышэннi пенсiй адэкватна росту заработнай платы.

У сваю чаргу павелiчэнне заработнай платы ў рэальным сектары эканомiкi суадносiцца з ростам iнфляцыi. За 11 месяцаў гэтага года iнфляцыя ў Беларусi склала 5,7 працэнта. Прэзiдэнту даложана, што ў снежнi гэтага года будзе ўведзена ў строй першая чарга завода па вытворчасцi газетнай паперы ў Шклове. Iдзе будаўнiцтва новых прадпрыемстваў у перапрацоўчай прамысловасцi. Актыўна праводзiцца рэканструкцыя амфiтэатра ў Вiцебску.

Прэс-служба Прэзідэнта Рэспублікі Беларусь.