Аляксандр ЛУКАШЭНКА: Беларусь не мае намеру паддавацца на газавы шантаж Расii

Источник материала:

«Пакуль iдзе шантаж, але калi яны i далей будуць яго прытрымлiвацца, то мы ў зямлянкi пойдзем, але на шантаж не паддадзiмся», — сказаў беларускi лiдар. Палiтыка Расii адносна Беларусi вядзе да разбурэння двухбаковых адносiнаў. «Я сумняваюся, што Расiя i кiраўнiцтва РФ чарговы раз наступяць на тыя ж граблi. Гэта ўжо было ў 2004 годзе, калi нам спынiлi пастаўку прыроднага газу з Расii. Усё паўтараецца. Тады нам фактычна ў два разы павялiчылi цану на газ. Мы пайшлi на пэўныя ўступкi», — сказаў Прэзiдэнт.

Як адзначыў Аляксандр Лукашэнка, сёння размова не iдзе аб куплi таннага расiйскага газу. «Мы стаiм на адным. Мы заключылi з Расiяй дагавор аб Саюзнай дзяржаве i шэраг спадарожных дагавораў, якiя забяспечваюць наш саюз», — падкрэслiў кiраўнiк беларускай дзяржавы. «Гэтыя дакументы забяспечваюць роўныя ўмовы для суб’ектаў гаспадарання. Таму хацелася б, каб i тут, i там цэны былi роўныя. Вось чаго мы хочам, а не таннага газу. Няхай па $200, няхай па $300, па $500 (за тысячу метраў кубiчных), але ўмовы павiнны быць роўныя, — адзначыў Аляксандр Лукашэнка. — Расiя ўзнiмае Беларусi цану на газ у два—тры разы. Гэта цана ў вынiку становiцца ў тры—пяць разоў вышэйшая, чым у Расii». Гаворачы пра палiтыку Расii адносна Беларусi, ён падкрэслiў, што «гэта разбурэнне ўсiх адносiнаў. Такiм чынам нас выштурхоўваюць з расiйскага рынку. Мы не зможам прадаваць сваю прадукцыю, паколькi яна будзе значна даражэйшая», — сказаў кiраўнiк дзяржавы.