Главная
Гороскопы
У Мерачоўшчыну да Касцюшкi
Святлана ЯСКЕВIЧ
Кожны год чацвёртага лютага на Брэстчыне ўспамiнаюць Касцюшку, «героя двух кантынентаў». Сёлета ў дзень нараджэння слыннага земляка госцi сабралiся ў яго музеi-сядзiбе, пабудаванай два з паловай года таму. Музей працуе i сустракае наведвальнiкаў, адначасова ў яго сценах працягваецца стварэнне цэльнай экспазiцыi. I на цяперашнiм святкаваннi, па традыцыi, замежныя госцi дарылi новыя экспанаты музею. Сваё пачэснае месца на палiцах i стэндах экспазiцыi зоймуць прывезеныя з Польшчы копiя шаблi брыгаднага генерала Касцюшкi, пояс, iншыя дэталi адзення. Госцi прывезлi яшчэ карцiны, а таксама паведамленне, што спецыяльны фонд ЮНЕСКО выдзяляе пэўную грашовую суму на развiццё музейнага комплексу героя многiх краiн.
Па даўно заведзенай традыцыi ляглi да каменя-валуна белыя кветкi. Прадстаўнiкi дыпламатычных мiсiй краiн, якiя лiчаць Тадэвуша Касцюшку сваiм нацыянальным героем, кiраўнiкi Брэсцкага аблвыканкама, Iвацэвiцкага райвыканкама, прадстаўнiкi культурнай грамадскасцi Брэстчыны ўспамiналi народжанага на беларускай зямлi камандзiра паўстанцаў, грамадскага i палiтычнага дзеяча канца ХVIII стагоддзя. I лейтматывам усiх прамоў, сказаных ля памятнага валуна, дакладаў, зробленых на навуковых канферэнцыях, могуць, вiдаць, служыць словы, вялiкiмi лiтарамi выведзеныя ў невялiкiм мемарыяльным пакойчыку Сяхновiцкай сярэдняй школы Жабiнкаўскага раёна: «Iмя Касцюшкава ў свеце, як зорка вольнасцi нам свецiць». А на Жабiнкаўшчыне, дзе герой ЗША, Польшчы, Францыi нарадзiўся, у гэты дзень прыходзяць да каплiцы пад Крупчыцамi. Там адбылася лёсавызначальная бiтва паўстання 1794 года, калi шмат людзей палегла з абодвух бакоў. Цяпер гэты сцiплы помнiк воiнам розных нацый служыць iх памяцi.
Чтобы разместить новость на сайте или в блоге скопируйте код:
На вашем ресурсе это будет выглядеть так
Кожны год чацвёртага лютага на Брэстчыне ўспамiнаюць Касцюшку, «героя двух кантынентаў»
|
|