Главная
Гороскопы
«Макаронныя» махляры
Мiкола ДЗЯБЁЛА
Двое сталiчных бiзнэсменаў прыцягнуты да крымiнальнай адказнасцi за распаўсюджванне лжывай iнфармацыi аб прадуктах харчавання.
Як паведамiла старшы памочнiк пракурора Мiнскай вобласцi Таццяна Калiнiна, выканаўчы i камерцыйны дырэктары аднаго з вытворчых кааператываў арганізавалi цэх па падробцы макаронных вырабаў. Прайдзiсветы набывалi танныя бранскiя макароны «Злата», прывозiлi ў пасёлак Гатава, што пад Мiнскам, i расфасоўвалi ў цыратавыя мяшэчкi з этыкеткамi больш дарагiх макаронных вырабаў «Пава», вытворчасцi Старааскольскай фабрыкi. Апроч таго, аферысты пазначалi на пакунках, што тэрмiн захоўвання прадукту складае 24 месяцы, хоць насамрэч макароны можна было без шкоды для здароўя ўжываць толькi на працягу года з моманту вырабу. Праваахоўным органам удалося вывесцi на чыстую ваду «макаронных» махляроў i прыцягнуць да крымiнальнай адказнасцi. А нядаўна суд вынес прыгавор, паводле якога выканаўчы дырэктар быў аштрафаваны на 3 мiльёны 100 тысяч рублёў, а ягоны калега — на 2 мiльёны 100 тысяч рублёў.
Чтобы разместить новость на сайте или в блоге скопируйте код:
На вашем ресурсе это будет выглядеть так
Двое сталiчных бiзнэсменаў прыцягнуты да крымiнальнай адказнасцi за распаўсюджванне лжывай iнфармацыi аб прадуктах харчавання
|
|