Хроніка апошніх падзей

Источник материала:

Пазачарговае пасяджэнне парламента Чачнi, прысвечанае пытанню зацвярджэння Рамзана Кадырава на пасадзе прэзiдэнта рэспублiкi, адбылося ўчора адразу пасля пятнiчнай малiтвы.

Нагадаем, што кандыдатуру Кадырава напярэдаднi прапанаваў прэзiдэнт Расii Уладзiмiр Пуцiн, а на разгледжанне парламента вынес Паўнамоцны прадстаўнiк прэзiдэнта РФ па Паўднёвай федэральнай акрузе Дзмiтрый Козак. Праз гадзiну пасля пачатку пасяджэння, пасля 20-хвiлiнных дэбатаў, парламент фактычна аднагалосна (56 бюлютэняў — «за», 2 — сапсаваныя) тайна прагаласаваў за Рамзана Кадырава. Цяпер ён з’яўляецца самым маладым кiраўнiком суб’екта Расiйскай Федэрацыi.

У КАПЕНГАГЕНЕ АРЫШТАВАНЫ СОТНI БУНТАЎШЧЫКОЎ

У дацкай сталiцы моладзь учынiла масавыя беспарадкi, якiя па маштабах не маюць прэцэдэнтаў у найноўшай гiсторыi дзяржавы. У вынiку пагрому спалены дзесяткi аўтамабiляў, разбiты вiтрыны магазiнаў, а пад арыштам апынулiся 250 чалавек. Чацвёра, у тым лiку турыст з Германii, атрымалi раненнi.

Беспарадкi ўспыхнулi ў чацвер вечарам, калi маладзёжныя радыкалы, выселеныя з культурнага цэнтра ў сталiчным раёне Норэбра, арганiзавалi акцыю пратэсту. У ёй узялi ўдзел каля тысячы чалавек, якiя спачатку кiдалi ў палiцэйскiх камянi, бляшанкi з фарбай, жалезныя пруты i бутэлькi з запальнай сумессю, а потым пабудавалi цэлыя барыкады i падпалiлi iх.

У хуткiм часе беспарадкi ахапiлi ўвесь цэнтр сталiцы. Палiцыя была вымушана выкарыстаць гумавыя дубiнкi i спецсродкi: газ i шумавыя гранаты. Учора днём палiцыi ўдалося ўзяць горад пад кантроль. На ўсiх уездах былi ўстаноўлены блок-пасты. Павышаныя меры бяспекi былi ўведзены таму, што мясцовыя ўлады чакалi хуткага прыбыцця ў Капенгаген да бунтаўшчыкоў «падмацавання» з iншых раёнаў Данii.

ЮШЧАНКА ВЫРАШЫЎ ПАБУДАВАЦЬ ДЛЯ ЎНУКАЎ МУЗЕЙ АКУПАЦЫI

Прэзiдэнт Украiны, наведаўшы музей савецкай акупацыi ў Тбiлiсi, вырашыў пабудаваць такi ж у сябе на радзiме.

«Нам, безумоўна, трэба зрабiць гэта ва Украiне дзеля нашых дзядоў i прадзедаў, унукаў i праўнукаў», — сказаў Юшчанка. У той жа час ён адзначыў, што на радзiме гэта iдэя выклiча «шаленства пэўных сiл».