Рэвiзiя насення

Источник материала:

Па колеру можна вызначыць i ўзрост насення. Напрыклад, у агуркоў, кабачкоў, патысонаў старое насенне шэрага колеру, а свежае — больш светлае. Чорная фасоля з цягам часу робiцца рыжай.

Якасць насення можна вызначыць i па яго паху. Калi насенне вострапахучай агароднiны (пятрушкi, сельдэрэю, кропу, кмену, анiсу, маярану i iнш.) страцiла свой характэрны пах, то i ўсходжасць iх слабая.

Але, паважаныя гаспадынi, не спяшайцеся выкiдваць такое насенне. Крыху падсушыўшы яго, перамялiце у кавамолцы — i гатовая прыправа ў суп цi да мяса.

Вось некаторыя тэрмiны захоўвання насення:

капуста качанная i цвятная — 4—5 гадоў;

цыбуля — 3 гады;

морква — 3—4 гады;

агуркi, гарбузы, кабачкi — 6—8 гадоў;

пятрушка каранёвая — 2—3 гады;

памiдоры, фiзалiс — 4—5 гадоў;

радыска, рэпа, рэдзька — 4—5 гадоў;

салата, перац — 3—4 гады;

буракi сталовыя — 4—5 гадоў;

сельдэрэй, кроп — 1—2 гады;

фасоля, гарох — 5—6 гадоў;

шпiнат — 3—4 гады.

Для павышэння якасцi насенне калiбруюць. Для гэтага неабходна апусцiць яго на 3—5 хвiлiн у салёную ваду (1 ч. лыжка солi на 1/2 шклянкi вады). Пагружанае на дно насенне прамыць i прасушыць, а якое ўсплыло — выкiнуць.