Главная
Гороскопы
Паведамленне прэс-цэнтра Канстытуцыйнага Суда
Канстытуцыйны Суд на сваiм пасяджэннi 14 красавiка гэтага года разгледзеў зварот дэпутата Палаты прадстаўнiкоў Нацыянальнага сходу Здановiча В.М. па пытанню прымянення заканадаўства аб аказаннi шматдзетным сем’ям фiнансавай дапамогi дзяржавы ў пагашэннi запазычанасцi па льготных крэдытах.
Згодна з палажэннямi Указа Прэзiдэнта Рэспублiкi Беларусь ад 14 красавiка 2000 г. № 185 «Аб прадастаўленнi грамадзянам iльготных крэдытаў на будаўнiцтва (рэканструкцыю) або набыццё жылых памяшканняў», шматдзетным сем’ям прадугледжана аказанне фiнансавай дапамогi дзяржавы ў пагашэннi запазычанасцi па льготных крэдытах у наступных памерах: пры наяўнасцi траiх непаўналетнiх дзяцей — 30 працэнтаў ад сумы запазычанасцi па выдадзеных крэдытах; пры наяўнасцi чатырох непаўналетнiх дзяцей — 50 працэнтаў ад сумы запазычанасцi па выдадзеных крэдытах; пры наяўнасцi пяцi i больш непаўналетнiх дзяцей — 100 працэнтаў ад сумы запазычанасцi па выдадзеных крэдытах. Пры гэтым разлiк сумы фiнансавай дапамогi Беларусбанкам ажыццяўляецца пасля ўводу ў эксплуатацыю (набыцця) жылых памяшканняў; наяўнасць непаўналетнiх дзяцей улiчваецца на дату ўводу жылых памяшканняў у эксплуатацыю (на дату iх набыцця), а не на момант выдачы крэдыту, як указана ў звароце. Канстытуцыйны Суд у сваiм рашэннi ўказаў, што такая практыка аказання фiнансавай дапамогi шматдзетным сем’ям адпавядае актам дзеючага заканадаўства: у залежнасцi ад колькасцi непаўналетнiх дзяцей на дату ўводу жылых памяшканняў у эксплуатацыю (на дату iх набыцця). Людмiла МУРАШКА, памочнiк Старшынi Канстытуцыйнага Суда.
Чтобы разместить новость на сайте или в блоге скопируйте код:
На вашем ресурсе это будет выглядеть так
Канстытуцыйны Суд на сваiм пасяджэннi 14 красавiка гэтага года разгледзеў зварот дэпутата Палаты прадстаўнiкоў Нацыянальнага сходу Здановiча В.М. па п
|
|