Мiтрапалiт Фiларэт: «Сям’я — малая царква»

Источник материала:

Мiтрапалiт Мiнскi i Слуцкi Фiларэт, Патрыяршы Экзарх усяе Беларусi перад пачаткам святочнага богаслужэння ў слуцкiм Свята-Мiхайлаўскiм саборы падзялiўся з журналiстамi меркаваннямi наконт мэты акцыi:

— Сям’я, як мы кажам — малая царква. I клопат у першую чаргу ў нас павiнен быць аб сям’i. Адсюль пачынае расцi нашае грамадства, адсюль пачынаюцца ўсе дабрадзейнасцi, якiя выхоўваць моладзь. Таму дай Бог праходзячаму святу далейшых поспехаў.

У рамках трохдзённай акцыi ў Слуцку былi праведзены семiнары i лекторыi, выставы, тэатралiзаваныя дзеi, спартыўныя спаборнiцтвы, выступленнi паэтаў i кампазiтараў, прайшлi паказы кiнастужак. Святары абмеркавалi з работнiкамi сацыяльных службаў, медыкамi, асобамi з культурнага асяроддзя, прадстаўнiкамi выканаўчай улады пытаннi духоўнага выхавання дзiцяцi ў сям’i i школе, праблемы дэмаграфiчнай бяспекi, сацыяльнага i рэлiгiйнага служэння на карысць людзей.

Беларуская праваслаўная царква будзе падтрымлiваць далейшае станаўленне iнстытута сям’i. Як адзначыў начальнiк аддзела па справах рэлiгiй i нацыянальнасцяў Мiнскага аблвыканкама Леанiд Пархiмовiч, рэалiзацыя духоўна-асветнiцкай праграмы дапаможа людзям звярнуцца да крынiцы гарманiзацыi сямейных адносiнаў i грамадства пры дапамозе веры:

— Склалася сiтуацыя, пры якой людзi маюць патрэбу ў духоўным выхаваннi. Не трэба чакаць, што карысць ад мерапрыемства мы адчуем ужо заўтра. Але тое, што эфект ад яго правядзення будзе мець працяглыя вынiкi, сумненняў няма. Таму мы i далей будзем праводзiць такiя ж святы.