У Белавежскай пушчы неабходна больш актыўна развіваць турыстычную iнфраструктуру

Источник материала:

Адпаведную задачу паставiў 11 мая Прэзiдэнт Беларусi Аляксандр Лукашэнка, наведваючы ў ходзе рабочай паездкi па рэгiёнах краiны дзяржаўную прыродаахоўную ўстанову "Нацыянальны парк "Белавежская пушча".

Белавежская пушча — адзiн з самых буйных лясных масiваў Еўропы, якi захаваўся практычна ў некранутым стане да нашага часу. Яе тэрыторыя падзелена дзяржаўнай гранiцай на дзве часткi — беларускую i польскую. З беларускага боку пушча займае больш як 150 тыс.га. Цяпер пушча адноўлена ў межах 1760 года. Сёння гэта вiзiтная картка рэспублiкi i нацыянальны парк, якi найбольш наведваецца iншаземцамi.

Сярэднi ўзрост насаджэнняў пушчы складае 83 гады, у той час як у цэлым у Беларусi — 51 год. У беларускай частцы пушчы знаходзяцца 18 самых старых дрэў Еўропы.

У 1992 годзе Белавежская пушча была прызнана ЮНЕСКА аб’ектам Сусветнай спадчыны чалавецтва, а ў 1993 годзе ёй быў прысвоены статус бiясфернага запаведнiка. У 1997 годзе Савет Еўропы прысудзiў пушчы Еўрапейскi дыплом для ахоўных прыродных тэрыторый.

Кiраўнiк дзяржавы быў праiнфармаваны аб выкананнi раней дадзеных даручэнняў па развiццi нацыянальнага парку i экатурызму. Прэзiдэнту было даложана аб мерах, што прымаюцца па захоўванні фаўны i рэлiктавых лясоў, выратаванню ляснога масiву ад насякомых-шкоднiкаў i хваробаў драўнiны. Паводле слоў генеральнага дырэктара нацыянальнага парку Мiкалая Бамбiзы, удалося лакалiзаваць жукоў-караедаў i iстотна скарацiць плошчы пашкоджанага лесу.

У Белавежскай пушчы актыўна праводзяцца мерапрыемствы па аднаўленні лясных насаджэнняў, якiя пацярпелi ад урагану некалькi гадоў таму.

Аляксандр Лукашэнка даручыў кiраўнiку спраў Прэзiдэнта Мiкалаю Дамашкевiчу i кiраўнiцтву парку прадоўжыць работы па навядзеннi парадку на тэрыторыi пушчы.

Затым Аляксандр Лукашэнка пабываў у рэзiдэнцыi беларускага Дзеда Мароза. Сядзiба працуе круглы год, i тут пабывалi дзесяткi тысяч дзяцей i дарослых. Тут кiраўнiк дзяржавы азнаёмiўся з падрыхтоўкай да святкавання 600-годдзя ўстанаўлення запаведнага рэжыму Белавежскай пушчы, якое будзе адзначацца ў 2009 годзе. Аргкамiтэт па святкаванні гэтай даты ўзначальвае кiраўнiк спраў Прэзiдэнта Мiкалай Дамашкевiч.

Планам падрыхтоўкi прадугледжваецца развiццё iнфраструктуры, будаўнiцтва новых аб’ектаў у пушчы, уключаючы эколага-асветны цэнтр, рэканструкцыя вальераў для жывёл, будаўнiцтва i рамонт дарог. У пушчы хутка з’явяцца снежныя гарматы. Плануецца, што ў развiццё нацыянальнага парку будзе ўкладзена амаль Br70 млрд.

Аляксандр Лукашэнка прайшоў па тэрыторыi парку i пагутарыў з турыстамi з Беларусi, Расii i Германii.

Прэзiдэнт застаўся задаволены ўбачаным. У адрозненне ад многiх краiн Беларусi ўдалося захаваць свае запаведныя лясы.

Нацыянальны парк "Белавежская пушча" дэманструе стабiльны рост асноўных фiнансава-эканамiчных паказчыкаў. У прыватнасцi, растуць прыбытак i аб’ём аказаных паслуг. Назiраецца ўстойлiвая дынамiка павелiчэння колькасцi турыстаў, якiя наведваюць нацпарк: калi ў 2001 годзе ў Белавежскай пушчы пабывалi 55,3 тыс. чалавек, то ў 2007 годзе — ужо амаль 190 тыс. наведвальнiкаў з 76 краiн свету.

Кiраўнiк дзяржавы падкрэслiў, што ў населеных пунктах на тэрыторыi пушчы неабходна больш актыўна ствараць турыстычныя аб’екты.

Таксама Прэзiдэнт закрануў тэму канчатковага вырашэння праблем, звязаных з закупкай у насельнiцтва садаводчай прадукцыi i яе перапрацоўкай. "Ужо цяпер трэба разгледзець пытанне закупкi ў насельнiцтва грыбоў, яблыкаў i пры неабходнасцi набыць новыя лiнii па перапрацоўцы, каб максiмальна забяспечыць насельнiцтва сокам з уласнай садаводчай прадукцыi", — падкрэслiў кiраўнiк дзяржавы.

Аляксандр Лукашэнка даручыў Белкаапсаюзу i ўраду трымаць пад кантролем вырашэнне гэтых пытанняў.

Прэс-служба Прэзiдэнта Рэспублiкi Беларусь.