Парадак размяшчэння інфраструктуры пры будаўнiцтве жылля зменены

Источник материала:

Прэзiдэнт Беларусi падпiсаў 13 мая ўказ № 253 аб унясеннi змяненняў ва ўказ № 72 ад 7 лютага 2006 года "Аб мерах па дзяржаўным рэгуляванні адносiнаў пры размяшчэннi i арганiзацыi будаўнiцтва жылых дамоў, аб’ектаў iнжынернай, транспартнай i сацыяльнай iнфраструктуры".

Прадугледжваецца прадастаўленне мясцовымі выканаўчымі i распарадчымі органамі зямельных участкаў забудоўшчыкам для будаўнiцтва шматкватэрных жылых дамоў без аб’ектаў пазаквартальнай iнжынернай i транспартнай iнфраструктуры, але пры наяўнасцi зацверджанай ва ўстаноўленым парадку праектнай дакументацыi на будаўнiцтва такiх аб’ектаў. Пры гэтым органы мясцовага кiравання будуць забяспечваць увод у эксплуатацыю аб’ектаў пазаквартальнай iнжынернай i транспартнай iнфраструктуры ў раёнах шматпавярховай жылой забудовы не пазней як за тры месяцы да прыёмкi ў эксплуатацыю аб’ектаў жылля. Указ уступае ў сiлу з дня яго апублiкавання.

Прэс-служба Прэзiдэнта Рэспублiкi Беларусь.