Працэдура ліквiдацыi ў Беларусi арганiзацый з запазычанасцю з 1 лiпеня спрашчаецца

Источник материала:

У Беларусi з 1 лiпеня спрашчаецца працэдура лiквiдацыi арганiзацый, у якiх адсутнiчае маёмасць для пагашэння запазычанасцi. Адпаведны Ўказ № 329 "Аб некаторых пытаннях прызнання запазычанасцi безнадзейным доўгам i яе спiсання" Прэзiдэнт Беларусi Аляксандр Лукашэнка падпiсаў 13 чэрвеня.

Указам заканадаўча замацоўваецца механiзм прызнання безнадзейным доўгам запазычанасцi па плацяжах у бюджэт плацельшчыкаў, якiя спынiлi дзейнасць, у выпадках iх банкруцтва, лiквiдацыi, аб’яўлення фiзiчнай асобы памерлай, прызнання яе адсутнай без вестак або недзеяздольнай з наступным яе спiсаннем. Такi механiзм будзе ўступаць у дзеянне пасля прыняцця кантралюючымi органамi ўсiх прадугледжаных заканадаўствам мераў па спагнанню ўзнiкшай запазычанасцi. Указ уступае ў сiлу з 1 лiпеня, за выключэннем некаторых пунктаў, i распаўсюджваецца таксама на запазычанасць, узнiкшую i не пагашаную да ўступлення дакумента ў сiлу.

Прэс-служба Прэзiдэнта Рэспублiкi Беларусь.