Закупачныя цэны на жывёлагадоўчую прадукцыю павялічаны на 10 працэнтаў

Источник материала:

Каментуючы па просьбе дакумент, начальнiк галоўнага ўпраўлення эканомiкi Мiнiстэрства сельскай гаспадаркi i харчавання Ганна Андрыевiч адзначыла, што павышэнне закупачных цэнаў на жывёлагадоўчую прадукцыю звязана з неабходнасцю пакрыцця затрат на яе вытворчасць i кампенсацыi ўзросшых цэнаў на матэрыяльныя рэсурсы, уключаючы палiва, угнаеннi, кармы, збожжа, а таксама выраўноўвання цэнаў на аналагiчную прадукцыю з суседнiмi краiнамi.

"Мы падрыхтавалi эканамiчнае абгрунтаванне аб неабходнасцi павелiчэння закупачных цэнаў на жывёлагадоўчую прадукцыю i цяпер задаволены тым, што знайшлi ў гэтым пытаннi ўзаемаразуменне з боку ўрада", — падкрэслiла спецыялiст. Згодна з разлiкамi, дзякуючы павышэнню закупачных цэнаў на жывёлагадоўчую прадукцыю на 10 працэнтаў, сельгасарганiзацыi атрымаюць да канца года Br200 млрд дадатковай выручкi.

Новае павышэнне закупачных цэнаў на жывёлагадоўчую прадукцыю запатрабуе таксама паэтапнага павышэння гранiчных адпускных цэнаў на малочную i мясную прадукцыю. Аднак пакуль што гранiчныя адпускныя цэны не павышаны. Паводле слоў спецыялiста, гэтыя затраты часткова будуць ускладзены на перапрацоўчыя прадпрыемствы.

Папярэдняе павышэнне закупачных цэнаў на жывёлагадоўчую прадукцыю было 25 лютага 2008 года: на малако — на 10 працэнтаў, буйную рагатую жывёлу — на 5 працэнтаў, свiней — у сярэднiм на 4 працэнты. Адпускныя ж цэны на сацыяльна значную прадукцыю павялiчваюцца нязначна i паэтапна. Так, з 3 сакавiка яны былi павялiчаны на малочныя прадукты — на 2 працэнты, ялавiчыну тушамi — на 1,5 працэнта i свiнiну тушамi — на 1 працэнт. З 11 чэрвеня 2008 года закупачныя цэны на БРЖ былi павышаны яшчэ на 10 працэнтаў.